37 ára Terry ekki hættur: Veltir fyrir sér öllum möguleikum

John Terry, fyrrum fyrirliði enska landsliðsins og Chelsea, segist ekki vera hættur í fótbolta og neitar því sögusögnunum sem hafa gengið þess efnis.

Sögusagnir voru í gær þess efnis að enski miðvörðurinn hafi verið tilbúinn að hengja skóna upp í hillu eftir vonbrigðin með Aston Villa í fyrra.

Terry var á mála hjá Villa í fyrra en liðið tapaði í úrslitaleiknum um laust sæti. Hann fór síðan frá Villa í sumar og hefur enn ekki skrifað undir samning við neitt lið.

„Til þess að staðfesta það þá er ég ekki hættur. Nú er ég bara að njóta með fjölskyldunni í fríinu og skoða alla möguleika,” skrifaði Terry á Instagram-reikning sinn í gær.

Terry á stórkostlegan feral að baki. Hann spilaði 78 landsleiki fyrir England og nítján tímabil fyrir Chelsea þar sem hann vann ensku deildina fimm sinnum og Meistaradeildina einu sinni.