Knattspyrnusambandið kærir Chelsea fyrir ósæmilega hegðun leikmanna

Enska knattspyrnusambandið hefur kært Chelsea fyrir um hópast að Lee Mason, dómara í leik liðsins gegn Huddersfield í síðustu umferð.

Atvikið átti sér stað í kjölfar þess að Mason flautaði til hálfleiks áður en Chelsea gafst kostur á að taka horspyrnu. Félagið fær fimm daga til að svara kærunni.

Chelsea missti af dýrmætum þremur stigum þegar liðið gerði jafntefli við Hudderfield í síðustu umferð. Liðið þarf því að treysta á að Liverpool tapi fyrir Brighton í lokaumferð ensku úrvalsdeildarinnar til þess að eiga möguleika á Meistaradeildarsæti.