29 ára gamall úkraínskur flugmaður sem rússneskir embættismenn kenndu um að flugvél Malaysian Airlines var skotin niður yfir Úkraínu árið 2014 hefur framið sjálfsmorð. BBC greinir frá.
Vladyslav Voloshyn var liðsforingi í úkraínska flughernum og tók þátt í aðgerðum er barist var um yfirráð yfir Krímskaga. Boeing 777 þota Malaysian Airlines var skotin niður yfir Úkraínu og létust allir um borð, alls 298 farþegar og áhöfn flugvélarinnar.
Hollensk rannsóknarnefnd komst að þeirri niðurstöðu að flugvélin var skotin niður af rússneskri eldflaug sem skotið var upp af aðskilnaðarsinnum í Krímskaga sem nutu stuðnings Rússa.
Rússneskir embættismenn kenndu hins vegar Voloshyn um afdrif flugvélarinnar og sögðu hann hafa skotið niður farþegaþotuna.
Aðstandendur Voloshyn segja að hann hafi glímt við þunglyndi. Skaut hann sjálfan sig í íbúð hans í Mykolaiv, í grennd við Svarta hafið. Var hann fluttur á sjúkrahús þar sem hann lést af sárum sínum.
Flugmaðurinn sem Rússar kenndu um hrap MH17 framdi sjálfsmorð
Tengdar fréttir
Eldflaug af rússneskri gerð grandaði MH17
Bæði rússneski herinn og sá úkraínski notast við hina svokölluðu BUK-eldflaug sem grandaði MH17 í júlí 2014
Greina frá því hvaðan MH17 var skotin niður
Talið er að flugskeytinu sem grandaði malasísku farþegaflugvélinni hafi verið skotið frá yfirráðasvæði aðskilnaðarsinna.
MH17: Röktu slóð Buk-kerfisins til Rússlands
Rannsakendur eru sannfærðir um að MH17 hafi verið skotin niður af aðskilnaðarsinnum í Úkraínu með rússnesku flugskeyti.
