Sjáðu markið hans Jóhanns Berg og öll hin úr ensku úrvalsdeildinni í gær

Jóhann Berg Guðmundsson skoraði sitt fyrsta mark fyrir Burnley í rúmt ár þegar liðið tapaði 1-2 fyrir Liverpool í gær.

Jóhann Berg jafnaði metin í 1-1 á 87. mínútu en þegar fjórar mínútur voru komnar fram yfir venjulegan leiktíma skoraði Ragnar Klavan sigurmark Liverpool.

Lagleg mörk frá Anthony Martial og Jesse Lingard tryggðu Manchester United 0-2 sigur á Everton á útivelli. Gylfi Þór Sigurðsson sat allan tímann á varamannabekk Everton.

Leicester City fór í gang í seinni hálfleik gegn Huddersfield og vann 3-0 sigur. Brighton og Bournemouth gerðu jafntefli í fjörugum leik og pressan á Mark Hughes jókst eftir 0-1 tap Stoke City fyrir Newcastle United á heimavelli.

Öll mörkin úr leikjunum í ensku úrvalsdeildinni í gær má sjá hér að neðan.

Burnley 1-2 Liverpool

Everton 0-2 Man Utd

Leicester 3-0 Huddersfield

Brighton 2-2 Bournemouth

Stoke 0-1 Newcastle

Mánudagsuppgjör