Arsenal-liðið er stigalaust eftir fyrstu tvo deildarleiki sína undir stjórn Unai Emery en mótherjarnir hafa vissulega verið Manchester City og Chelsea. Tvö lið sem munu berjast um titilinn í vetur og hafa bæði fullt hús eftir tvo leiki.
Það mátti hins vegar sjá framför á leik Arsenal liðsins í leiknum um helgina þegar liðið skoraði tvö fyrstu mörkin sín á leiktíðinni og kom til baka eftir að hafa lent 2-0 undir á móti Chelsea.
Chelsea náði reyndar að tryggja sér sigur í seinni hálfleiknum og ágæt frammistaða Arsenal-manna og tvö góð mörk skiluðu því engum stigum.
Unai Emery vill að leikmennirnir sýnir spili boltanum frá markinu og það hefur búið til mikla áskorun fyrir reynslumikinn markvörð eins og Petr Cech. Cech hefur nefnilega ekki mikila reynslu á að spila boltanum út. Enginn markvörður kom eins oft við boltann í fyrstu umferðinni og Cech og aðeins einn annar leikmaður Arsenal fékk boltann oftar.
Í tengslum við umræðuna um vandræði Petr Cech að fá boltann svona mikið hafa menn bent á annað mark Arsenal á Stamford Bridge á laugardaginn.
19 - Alex Iwobi's goal for @Arsenal yesterday ended a sequence of 19 passes and involved 10 of their players (all except Pierre-Emerick Aubameyang); the longest move for a goal so far in the 2018-19 Premier League. Encouraging. pic.twitter.com/Z5q8UgyYd7
— OptaJoe (@OptaJoe) August 19, 2018
Seinna mark liðsins, sem Alex Iwobi skoraði, kom eftir frábæra sókn þar sem tíu af ellefu leikmönnum liðsins gáfu alls 19 sendingar sín á milli.
Þessi eini sem tók ekki þátt í undirbúningi marksins var þó ekki umræddur Petr Cech heldur framherjinn Pierre-Emerick Aubameyang.
Markið sem má sjá teiknað upp hér fyrir ofan sýnir það og sannar að markasóknir Arsenal geta alveg byrjað hjá Petr Cech.
Verði sömu framfarir á sendingum Petr Cech og leik Arsenal liðsins milli leikja í þessari viku þá má vel búast við fyrsta sigri liðsins í næsta leik sem er á móti West Ham United á laugardaginn.
