Sex létust í fjöldaárekstri í Bretlandi

Sex eru látnir og minnst einn alvarlega slasaður eftir alvarlegan árekstur þriggja bíla í Birmingham-borg í Bretlandi.

BBC greinir frá því að áreksturinn hafi orðið um klukkan eitt í nótt. Á Twitter-reikningi lögreglunnar í Birmingham segir að aðstæður á vettvangi hafi verið mjög krefjandi og að áreksturinn hafi verið mjög alvarlegur.

Tildrög slyssins eru óljós en í tilkynningu sjúkraflutningaþjónustunnar í Birmingham segir að alls sex bílar hafi verið í árekstrinum, þar af þrír sem komu aðvífandi á slysstað en ökumenn bílanna þriggja hafi reynt að komast hjá því að aka á hina bílana sem lentu í árekstrinum.

We are continuing to investigate a serious collision this morning involving three cars on Belgrave and Lee Bank Middleway in Birmingham. Six people have sadly been confirmed dead. Please avoid the area.

— West Midlands Police (@WMPolice) December 17, 2017