Tottenham rúllaði yfir WBA | Sjáðu mörkin

Tottenham Hotspurs rúllaði yfir WBA í ensku úrvalsdeildinni í dag en leikurinn fór 4-0 og fór fram á White Hart Lane í London.

Sigur Spurs var aldrei í hættu og byrjaði veislan eftir um tíu mínútna leik þegar Harry Kane mætti til leiks og skoraði flott mark. Hann var hvergi nærri hættur og endaði með því að skora þrennu í leiknum.

Gareth McAuley, leikmaður WBA, gerði síðan sjálfsmark og sáu gestirnir aldrei til sólar.

Tottenham komið í annað sætið deildarinnar með 45 stig, fjórum stigum á eftir Chelsea.

WBA er í því áttunda með 29 stig.