Kónginum hent á dyr Henry Birgir Gunnarsson skrifar 25. febrúar 2017 06:00 Úti er ævintýri. Claudio Ranieri er farinn í leit að nýju ævintýri. vísir/getty Það lifir enginn á fornri frægð er oft sagt. Það fékk Ítalinn Claudio Ranieri að reyna í lok vikunnar er hann var rekinn frá Leicester City aðeins 298 dögum eftir að hann gerði liðið að Englandsmeisturum. Það þykir eitt mesta afrek í knattspyrnusögunni. Það reiknuðu fáir með því að Öskubuskuævintýri Leicester-manna myndi halda áfram á þessari leiktíð en að sama skapi var ekki reiknað með því að liðið yrði í harðri fallbaráttu þegar vel er liðið á febrúar-mánuð. Leicester er í dag aðeins einu stigi frá fallsæti.Magnaðir í Meistaradeildinni Þrátt fyrir ömurlegt gengi liðsins í úrvalsdeildinni hefur liðinu gengið ótrúlega vel í Meistaradeildinni. Það er stórfurðulegt. Liðið flaug í gegnum riðlakeppnina, vann sinn riðil og hélt þess utan hreinu í fimm fyrstu leikjum sínum í riðlakeppninni. Liðið er komið í 16-liða úrslit og á fínan möguleika á að fara áfram eftir að hafa tapað 2-1 á útivelli gegn Sevilla. Í gær bárust þær fréttir að eldri leikmenn liðsins hefðu fundað með eiganda liðsins. Lýst yfir vantrausti á stjórann sem var svo rekinn nokkrum klukkutímum síðar. Það þótti mörgum lélegt. Að liðið væri ekki til í að standa með stjóranum sínum í gegnum ólgusjóinn. Þess í stað var skipstjóranum kastað í hafið. Gary Lineker, fyrrum leikmaður Leicester og stjórnandi Match of the day á BBC, var ævareiður út í sitt gamla félag og lét menn þar á bæ heyra það. „Þetta er mjög sorglegt. Þetta er óútskýranlegt og óafsakanlegt. Það finnst líka mörgum sem elska fótbolta. Ég felldi tár í gær fyrir Claudio, félagið og fótboltann,“ sagði Lineker dramatískur. „Svona er nútímafótbolti. Það sem gerðist á síðustu leiktíð var einstakt. Skortur á þakklæti eigendanna er ótrúlegur en við munum aldrei gleyma síðasta tímabili.“Mourinho sýndi stuðning Jose Mourinho, stjóri Man. Utd, er nú ekki mjög virkur á samfélagsmiðlum en hann skellti sér á Instagram. Henti þar inn mynd af sér og Ranieri. Sagði þar að svona væri nútímafótbolti og Ranieri mætti ekki hætta að brosa. Það væri ekki hægt að þurrka út hans einstaka árangur. Mourinho þekkir stöðuna en hann var rekinn frá Chelsea á miðju tímabili eftir að hafa gert liðið að meisturum árið 2014. Það sem vinnur aftur á móti ekki með Ranieri, og styður málstað eigenda Leicester, er sú staðreynd að titilvörn Leicester er sú lélegasta í sögunni. Á sama tíma í fyrra var liðið með 53 stig á toppnum en í dag er liðið með aðeins 21 stig. Liðið var þá búið að tapa þremur leikjum en töpin eru fjórtán í dag. Staða liðsins er viðkvæm og hættuleg. Eðlilega vill ekkert félag falla en þrátt fyrir fallhlífagreiðslur er tekjutapið mikið í næstu deild fyrir neðan. Það er þess utan ekkert grín að komast aftur upp. Í nútímafótbolta er ekkert pláss fyrir tilfinningar og árangur síðasta tímabils gefur ekkert nokkrum mánuðum síðar. Ekki einu sinni þó svo þú sért stjórnandi mestu Öskubuskusögu knattspyrnusögunnar. Hollusta við þjálfarann virðist einnig vera á undanhaldi ef mið er tekið af þessari atburðarrás. Enski boltinn Mest lesið „Ég valdi bara bestu gelluna, hún gæti reyndar verið mamma mín“ Sport Tryggði sig á heimsleikana en endaði á sjúkrahúsi tveimur dögum síðar Sport Forsetinn gaf öllum nýja bíla Fótbolti „Stress og spenningur að flytja einn út og þurfa læra á uppþvottavél“ Handbolti Mömmu þjálfarans fannst framkoma Bellingham viðbjóðsleg Fótbolti Fyrrum methafi lést aðeins 28 ára Sport Óvænt stjarna með súperinnkomu af bekknum þegar Pacers komst í 2-1 Körfubolti Tannlæknir keppir á opna bandaríska Golf Alexander-Arnold kominn með númer Fótbolti Sú markahæsta frá upphafi „með hreina samvisku“ Fótbolti Fleiri fréttir Draumur Cunha rættist Grealish fer ekki með á HM félagsliða Liverpool að landa dýrasta leikmanni í sögu deildarinnar City staðfestir kaupin á Reijnders Sendi sónarmynd: Tvö ákærð eftir fjárkúgun gamallar kærustu Vilja tæpa tólf milljarða fyrir Garnacho Arftaki hins titlaóða Carsons fundinn Man City staðfestir kaupin á Cherki Forest vill niðurstöðu í mál Palace Man City ræður annan úr teymi Klopp hjá Liverpool Chelsea vill Gittens áður en glugginn lokar Allt klárt og Frank verður næsti stjóri Tottenham Aït-Nouri fyrstur inn um dyrnar hjá Man City Segja Man United hafa sett í samband við Sporting vegna framherjans eftirsótta City að festa kaup á hinum eftirsótta Cherki Thomas Frank að taka við Tottenham Fer frá City eftir aðeins tvo leiki en tólf titla á sex árum Liverpool hækkar tilboð sitt Man. United gat ekki neitt en græddi samt meiri pening Leikmenn Tottenham sagðir öskuillir og í uppreisnarhug eftir brottrekstur Ange Rekinn frá Tottenham Segir nýja Brassann hjá Chelsea geta orðið eins góður og Lamine Yamal Dómari í enska boltanum segist hata VAR Liverpool byrjar undirbúningstímabilið á móti Stefáni Teiti Hættur eftir að hafa spilað með 42 liðum Kerkez spilar ekki með Ungverjum: Sagður á leið til Liverpool að skrifa undir Liverpool hafnaði tilboði Barcelona Sonur Bruno Fernandes mætti á æfingu hjá FH Stjörnur Chelsea spiluðu saman í unglingaliði City Mbuemo fer fram á fimmfalt hærri laun Sjá meira
Það lifir enginn á fornri frægð er oft sagt. Það fékk Ítalinn Claudio Ranieri að reyna í lok vikunnar er hann var rekinn frá Leicester City aðeins 298 dögum eftir að hann gerði liðið að Englandsmeisturum. Það þykir eitt mesta afrek í knattspyrnusögunni. Það reiknuðu fáir með því að Öskubuskuævintýri Leicester-manna myndi halda áfram á þessari leiktíð en að sama skapi var ekki reiknað með því að liðið yrði í harðri fallbaráttu þegar vel er liðið á febrúar-mánuð. Leicester er í dag aðeins einu stigi frá fallsæti.Magnaðir í Meistaradeildinni Þrátt fyrir ömurlegt gengi liðsins í úrvalsdeildinni hefur liðinu gengið ótrúlega vel í Meistaradeildinni. Það er stórfurðulegt. Liðið flaug í gegnum riðlakeppnina, vann sinn riðil og hélt þess utan hreinu í fimm fyrstu leikjum sínum í riðlakeppninni. Liðið er komið í 16-liða úrslit og á fínan möguleika á að fara áfram eftir að hafa tapað 2-1 á útivelli gegn Sevilla. Í gær bárust þær fréttir að eldri leikmenn liðsins hefðu fundað með eiganda liðsins. Lýst yfir vantrausti á stjórann sem var svo rekinn nokkrum klukkutímum síðar. Það þótti mörgum lélegt. Að liðið væri ekki til í að standa með stjóranum sínum í gegnum ólgusjóinn. Þess í stað var skipstjóranum kastað í hafið. Gary Lineker, fyrrum leikmaður Leicester og stjórnandi Match of the day á BBC, var ævareiður út í sitt gamla félag og lét menn þar á bæ heyra það. „Þetta er mjög sorglegt. Þetta er óútskýranlegt og óafsakanlegt. Það finnst líka mörgum sem elska fótbolta. Ég felldi tár í gær fyrir Claudio, félagið og fótboltann,“ sagði Lineker dramatískur. „Svona er nútímafótbolti. Það sem gerðist á síðustu leiktíð var einstakt. Skortur á þakklæti eigendanna er ótrúlegur en við munum aldrei gleyma síðasta tímabili.“Mourinho sýndi stuðning Jose Mourinho, stjóri Man. Utd, er nú ekki mjög virkur á samfélagsmiðlum en hann skellti sér á Instagram. Henti þar inn mynd af sér og Ranieri. Sagði þar að svona væri nútímafótbolti og Ranieri mætti ekki hætta að brosa. Það væri ekki hægt að þurrka út hans einstaka árangur. Mourinho þekkir stöðuna en hann var rekinn frá Chelsea á miðju tímabili eftir að hafa gert liðið að meisturum árið 2014. Það sem vinnur aftur á móti ekki með Ranieri, og styður málstað eigenda Leicester, er sú staðreynd að titilvörn Leicester er sú lélegasta í sögunni. Á sama tíma í fyrra var liðið með 53 stig á toppnum en í dag er liðið með aðeins 21 stig. Liðið var þá búið að tapa þremur leikjum en töpin eru fjórtán í dag. Staða liðsins er viðkvæm og hættuleg. Eðlilega vill ekkert félag falla en þrátt fyrir fallhlífagreiðslur er tekjutapið mikið í næstu deild fyrir neðan. Það er þess utan ekkert grín að komast aftur upp. Í nútímafótbolta er ekkert pláss fyrir tilfinningar og árangur síðasta tímabils gefur ekkert nokkrum mánuðum síðar. Ekki einu sinni þó svo þú sért stjórnandi mestu Öskubuskusögu knattspyrnusögunnar. Hollusta við þjálfarann virðist einnig vera á undanhaldi ef mið er tekið af þessari atburðarrás.
Enski boltinn Mest lesið „Ég valdi bara bestu gelluna, hún gæti reyndar verið mamma mín“ Sport Tryggði sig á heimsleikana en endaði á sjúkrahúsi tveimur dögum síðar Sport Forsetinn gaf öllum nýja bíla Fótbolti „Stress og spenningur að flytja einn út og þurfa læra á uppþvottavél“ Handbolti Mömmu þjálfarans fannst framkoma Bellingham viðbjóðsleg Fótbolti Fyrrum methafi lést aðeins 28 ára Sport Óvænt stjarna með súperinnkomu af bekknum þegar Pacers komst í 2-1 Körfubolti Tannlæknir keppir á opna bandaríska Golf Alexander-Arnold kominn með númer Fótbolti Sú markahæsta frá upphafi „með hreina samvisku“ Fótbolti Fleiri fréttir Draumur Cunha rættist Grealish fer ekki með á HM félagsliða Liverpool að landa dýrasta leikmanni í sögu deildarinnar City staðfestir kaupin á Reijnders Sendi sónarmynd: Tvö ákærð eftir fjárkúgun gamallar kærustu Vilja tæpa tólf milljarða fyrir Garnacho Arftaki hins titlaóða Carsons fundinn Man City staðfestir kaupin á Cherki Forest vill niðurstöðu í mál Palace Man City ræður annan úr teymi Klopp hjá Liverpool Chelsea vill Gittens áður en glugginn lokar Allt klárt og Frank verður næsti stjóri Tottenham Aït-Nouri fyrstur inn um dyrnar hjá Man City Segja Man United hafa sett í samband við Sporting vegna framherjans eftirsótta City að festa kaup á hinum eftirsótta Cherki Thomas Frank að taka við Tottenham Fer frá City eftir aðeins tvo leiki en tólf titla á sex árum Liverpool hækkar tilboð sitt Man. United gat ekki neitt en græddi samt meiri pening Leikmenn Tottenham sagðir öskuillir og í uppreisnarhug eftir brottrekstur Ange Rekinn frá Tottenham Segir nýja Brassann hjá Chelsea geta orðið eins góður og Lamine Yamal Dómari í enska boltanum segist hata VAR Liverpool byrjar undirbúningstímabilið á móti Stefáni Teiti Hættur eftir að hafa spilað með 42 liðum Kerkez spilar ekki með Ungverjum: Sagður á leið til Liverpool að skrifa undir Liverpool hafnaði tilboði Barcelona Sonur Bruno Fernandes mætti á æfingu hjá FH Stjörnur Chelsea spiluðu saman í unglingaliði City Mbuemo fer fram á fimmfalt hærri laun Sjá meira