Hull vann Liverpool sem hefur ekki unnið í deildinni á árinu | Sjáðu mörkin

Hull gerði sér lítið fyrir og vann Liverpool, 2-0, á heimavelli í ensku úrvalsdeildinni í dag en liðið var fyrir leikinn í næstneðsta sæti deildarinnar.

Alfred N'Diaye skoraði fyrsta mark leiksins rétt fyrir lok fyrri hálfleiks og var því staðan 1-0 í hálfleik.

Baye Oumar Niasse skoraði síðan annað mark leiksins þegar 84. mínútur voru liðnar af leiknum og Liverpool að pressa mjög stíft.

Hull stekkur upp í 18. sæti deildarinnar með sigrinum og er liðið með 20 stig. Liverpool er í 4. sætinu 46 stig.