Cardiff vann þriðja leikinn í röð

Aron Einar Gunnarsson og félagar í Cardiff City eru á fljúgandi siglingu í ensku B-deildinni.

Í dag bar Cardiff sigurorð af botnliði Rotherham United, 5-0, en þetta var þriðji sigur liðsins í röð og sá fjórði í síðustu fimm leikjum.

Kenneth Zohore (2), Kadeem Harris, Junior Hoilett og Craig Noone skoruðu mörk Cardiff í dag. Aron Einar lék allan leikinn á miðjunni.

Brighton skaust á topp deildarinnar með 0-2 útisigri á Barnsley.

Þá gerðu Ipswich Town og Leeds United 1-1 jafntefli á Portman Road.