Hæstaréttarlögmaður gáttaður á vinnubrögðum dómnefndar Hersir Aron Ólafsson skrifar 30. desember 2017 21:00 Dómnefnd um hæfni umsækjenda um dómaraembætti við Héraðsdóm Reykjavíkur er sökuð um ómálefnaleg vinnubrögð vegna mats á umsækjendum. Settur dómsmálaráðherra sendi dómnefndinni bréf þar sem hann gagnrýnir aðferðir dómnefndarinnar. Lögum samkvæmt var skipuð fimm manna dómnefnd til að meta hæfi umsækjenda um dómarastöður við héraðsdóm Reykjavíkur og Héraðsdóm Vestfjarða sem auglýstar voru lausar til umsóknar í september. Lögum samkvæmt er ráðherra að jafnaði bundinn af niðurstöðu nefndarinnar við skipun í stöðurnar. Nefndin skilaði umsögn sinni þann 22. desember síðastliðinn, 10 dögum áður en hinir nýju dómarar áttu að hefja störf. Þar voru tíundaðir átta umsækjendur sem nefndin taldi hæfasta. Athygli vakti að einn umsækjenda, hæstaréttarlögmaðurinn Jónas Jóhannsson, var ekki talinn meðal þeirra átta hæfustu – þrátt fyrir að hafa að baki um 20 ára reynslu sem héraðsdómari víða um land. Jónas er einn 23 umsækjenda sem hafa skilað andmælum vegna umsagnar nefndarinnar, sem hann telur sæta mikilli furðu. Nefndin notaðist aðallega við þrjú viðmið í mati sínu, reynslu af dómarastörfum, lögmannsstörfum og stjórnsýslustörfum. Í tilfelli Jónasar var hann hins vegar metinn lægra en umsækjandi sem sinnt hefur starfi setts héraðsdómara í um átta ár. Hann segir ómögulegt að átta sig á ástæðum þessa, enda sé engan haldbæran rökstuðning að finna í niðurstöðu nefndarinnar. Jónas lét af dómsstörfum í árslok 2011 og hefur sinnt lögmennsku undanfarin sex ár. Í mati dómnefndarinn er hins vegar einungis hluti þessara lögmannsstarfa metinn honum til tekna. Er í því samhengi m.a. vísað til þess að hann sé að hluta búsettur í Brussel þaðan sem hann vinni fjarvinnu og að hann sé einungis fulltrúi á lögmannsstofu. „Ég er svo gáttaður á þessu. Ég veit ekki hvað ég á að segja við mína skjólstæðinga. Að ég hafi ekki unnið fyrir þá síðustu ár?“ Þá tiltekur dómnefndin það jafnframt að Jónas hafi í störfum sínum gjarnan sætt mál, frekar en að reka þau fyrir dómstólum. „Þannig að í staðinn fyrir það að virða það að ég hafi sætt flest þau mál, bæði sem dómari og sem lögmaður, þá virðist það vera mínus í kladdann hjá mér.“ Guðlaugur Þór Þórðarson er settur dómsmálaráðherra í málinu. Ráðuneyti hans sendi í gær bréf til dómnefndarinnar þar sem umsögnin er gagnrýnd nokkuð harðlega. Þar er óskað aukins rökstuðnings og útlistaðar athugasemdir í tíu liðum, m.a. er snúa að dómarareynslu umsækjenda og sérstökum viðtölum sem nefndin tók. Þá segir að skýringar nefndarinnar séu óljósar og gefi litlar sem engar upplýsingar um það hvernig mati nefndarinnar var háttað. Jakob R. Möller formaður dómnefndarinnar vildi ekki veita fréttastofu viðtal vegna málsins í dag. Sömu sögu er að segja um Ingibjörgu Þorsteinsdóttur, formann dómarafélags Íslands, sem baðst undan viðtali.Þorbjörn Þórðarson ræddi málið við Sindra Sindrason í kvöldfréttum Stöðvar 2. Spjall þeirra má horfa á í lok klippunnar sem fylgir fréttinni hér að ofan. Dómsmál Mest lesið „Sjaldan hefur stjórnmálamaður verið hamflettur jafn rækilega“ Innlent „Það er rosalega ljótt að segja þetta en mér líður bara þannig“ Innlent „Hef ekki hitt neinn arkitekt sem finnst þetta góð hugmynd“ Innlent Lét högg og spörk dynja á foreldrunum í tíu klukkustundir Innlent Segir viðbrögð Bjarnheiðar vekja „óþægilegar minningar“ Innlent „Ég held að þetta sé ekki bóla“ Innlent Komu göngumönnum í sjálfheldu til aðstoðar Innlent „Það þarf sennilega að moka þennan bíl upp“ Innlent Rússnesk herflugvél mætt í Landeyjarnar Innlent Ákærð fyrir að bana föður og tilraun til að bana móður Innlent Fleiri fréttir „Það er rosalega ljótt að segja þetta en mér líður bara þannig“ Segir viðbrögð Bjarnheiðar vekja „óþægilegar minningar“ „Hef ekki hitt neinn arkitekt sem finnst þetta góð hugmynd“ Komu göngumönnum í sjálfheldu til aðstoðar Rússnesk herflugvél mætt í Landeyjarnar „Ég held að þetta sé ekki bóla“ Kona flutt á spítala eftir fjóhjólaslys Vara við að gangast undir fegrunarmeðferðir hjá óviðurkenndum aðilum „Sjaldan hefur stjórnmálamaður verið hamflettur jafn rækilega“ Lét högg og spörk dynja á foreldrunum í tíu klukkustundir Barst tilkynning um olíustuld í Hafnarfirði „Léleg blaðamennska“ sem byggi á upphrópunum og hatri á atvinnulífi Ítrekað ofbeldi, skelfdur Íslendingur eftir skjálfta og padel-æði „Það þarf sennilega að moka þennan bíl upp“ Leggja stöðvunarkröfu á framkæmdir við Hvammsvirkjun Lögreglan leitar upplýsinga um þennan mann Lögreglan leitar þessara manna Eldur kviknaði í hjúkrunarheimili á Höfn Stöðfirðingar þreyttir á ferðamönnum sem geri þarfir sínar um allan bæ Fagnar tillögu Sigurjóns og segir veiðiráðgjöf Hafró ranga Langþreyttur á bensínbrúsum og „bílakirkjugarði“ Úkraínumenn vilja fá Íslendinga í almannavarnabandalag Risaskjálfti í Kyrrahafi og bensínbrúsabílar í Breiðholti Ákærð fyrir að bana föður og tilraun til að bana móður Skýrsla Guðlaugs Þórs frá 2018: „Aðildarviðræðunum var ekki formlega slitið“ Veðurspáin fyrir helgina að skána Fjallabaksleið syðri lokuð vegna vatnavaxta Engin nóróveira í Laugarvatni Fjöldi ferðamanna slíkur að rotþróin ræður ekki við það Reyndi að skemma bíl og hljóp svo undan lögreglu Sjá meira
Dómnefnd um hæfni umsækjenda um dómaraembætti við Héraðsdóm Reykjavíkur er sökuð um ómálefnaleg vinnubrögð vegna mats á umsækjendum. Settur dómsmálaráðherra sendi dómnefndinni bréf þar sem hann gagnrýnir aðferðir dómnefndarinnar. Lögum samkvæmt var skipuð fimm manna dómnefnd til að meta hæfi umsækjenda um dómarastöður við héraðsdóm Reykjavíkur og Héraðsdóm Vestfjarða sem auglýstar voru lausar til umsóknar í september. Lögum samkvæmt er ráðherra að jafnaði bundinn af niðurstöðu nefndarinnar við skipun í stöðurnar. Nefndin skilaði umsögn sinni þann 22. desember síðastliðinn, 10 dögum áður en hinir nýju dómarar áttu að hefja störf. Þar voru tíundaðir átta umsækjendur sem nefndin taldi hæfasta. Athygli vakti að einn umsækjenda, hæstaréttarlögmaðurinn Jónas Jóhannsson, var ekki talinn meðal þeirra átta hæfustu – þrátt fyrir að hafa að baki um 20 ára reynslu sem héraðsdómari víða um land. Jónas er einn 23 umsækjenda sem hafa skilað andmælum vegna umsagnar nefndarinnar, sem hann telur sæta mikilli furðu. Nefndin notaðist aðallega við þrjú viðmið í mati sínu, reynslu af dómarastörfum, lögmannsstörfum og stjórnsýslustörfum. Í tilfelli Jónasar var hann hins vegar metinn lægra en umsækjandi sem sinnt hefur starfi setts héraðsdómara í um átta ár. Hann segir ómögulegt að átta sig á ástæðum þessa, enda sé engan haldbæran rökstuðning að finna í niðurstöðu nefndarinnar. Jónas lét af dómsstörfum í árslok 2011 og hefur sinnt lögmennsku undanfarin sex ár. Í mati dómnefndarinn er hins vegar einungis hluti þessara lögmannsstarfa metinn honum til tekna. Er í því samhengi m.a. vísað til þess að hann sé að hluta búsettur í Brussel þaðan sem hann vinni fjarvinnu og að hann sé einungis fulltrúi á lögmannsstofu. „Ég er svo gáttaður á þessu. Ég veit ekki hvað ég á að segja við mína skjólstæðinga. Að ég hafi ekki unnið fyrir þá síðustu ár?“ Þá tiltekur dómnefndin það jafnframt að Jónas hafi í störfum sínum gjarnan sætt mál, frekar en að reka þau fyrir dómstólum. „Þannig að í staðinn fyrir það að virða það að ég hafi sætt flest þau mál, bæði sem dómari og sem lögmaður, þá virðist það vera mínus í kladdann hjá mér.“ Guðlaugur Þór Þórðarson er settur dómsmálaráðherra í málinu. Ráðuneyti hans sendi í gær bréf til dómnefndarinnar þar sem umsögnin er gagnrýnd nokkuð harðlega. Þar er óskað aukins rökstuðnings og útlistaðar athugasemdir í tíu liðum, m.a. er snúa að dómarareynslu umsækjenda og sérstökum viðtölum sem nefndin tók. Þá segir að skýringar nefndarinnar séu óljósar og gefi litlar sem engar upplýsingar um það hvernig mati nefndarinnar var háttað. Jakob R. Möller formaður dómnefndarinnar vildi ekki veita fréttastofu viðtal vegna málsins í dag. Sömu sögu er að segja um Ingibjörgu Þorsteinsdóttur, formann dómarafélags Íslands, sem baðst undan viðtali.Þorbjörn Þórðarson ræddi málið við Sindra Sindrason í kvöldfréttum Stöðvar 2. Spjall þeirra má horfa á í lok klippunnar sem fylgir fréttinni hér að ofan.
Dómsmál Mest lesið „Sjaldan hefur stjórnmálamaður verið hamflettur jafn rækilega“ Innlent „Það er rosalega ljótt að segja þetta en mér líður bara þannig“ Innlent „Hef ekki hitt neinn arkitekt sem finnst þetta góð hugmynd“ Innlent Lét högg og spörk dynja á foreldrunum í tíu klukkustundir Innlent Segir viðbrögð Bjarnheiðar vekja „óþægilegar minningar“ Innlent „Ég held að þetta sé ekki bóla“ Innlent Komu göngumönnum í sjálfheldu til aðstoðar Innlent „Það þarf sennilega að moka þennan bíl upp“ Innlent Rússnesk herflugvél mætt í Landeyjarnar Innlent Ákærð fyrir að bana föður og tilraun til að bana móður Innlent Fleiri fréttir „Það er rosalega ljótt að segja þetta en mér líður bara þannig“ Segir viðbrögð Bjarnheiðar vekja „óþægilegar minningar“ „Hef ekki hitt neinn arkitekt sem finnst þetta góð hugmynd“ Komu göngumönnum í sjálfheldu til aðstoðar Rússnesk herflugvél mætt í Landeyjarnar „Ég held að þetta sé ekki bóla“ Kona flutt á spítala eftir fjóhjólaslys Vara við að gangast undir fegrunarmeðferðir hjá óviðurkenndum aðilum „Sjaldan hefur stjórnmálamaður verið hamflettur jafn rækilega“ Lét högg og spörk dynja á foreldrunum í tíu klukkustundir Barst tilkynning um olíustuld í Hafnarfirði „Léleg blaðamennska“ sem byggi á upphrópunum og hatri á atvinnulífi Ítrekað ofbeldi, skelfdur Íslendingur eftir skjálfta og padel-æði „Það þarf sennilega að moka þennan bíl upp“ Leggja stöðvunarkröfu á framkæmdir við Hvammsvirkjun Lögreglan leitar upplýsinga um þennan mann Lögreglan leitar þessara manna Eldur kviknaði í hjúkrunarheimili á Höfn Stöðfirðingar þreyttir á ferðamönnum sem geri þarfir sínar um allan bæ Fagnar tillögu Sigurjóns og segir veiðiráðgjöf Hafró ranga Langþreyttur á bensínbrúsum og „bílakirkjugarði“ Úkraínumenn vilja fá Íslendinga í almannavarnabandalag Risaskjálfti í Kyrrahafi og bensínbrúsabílar í Breiðholti Ákærð fyrir að bana föður og tilraun til að bana móður Skýrsla Guðlaugs Þórs frá 2018: „Aðildarviðræðunum var ekki formlega slitið“ Veðurspáin fyrir helgina að skána Fjallabaksleið syðri lokuð vegna vatnavaxta Engin nóróveira í Laugarvatni Fjöldi ferðamanna slíkur að rotþróin ræður ekki við það Reyndi að skemma bíl og hljóp svo undan lögreglu Sjá meira