Shaw vonast til að spila aftur fyrir Pochettino

Luke Shaw vonast til að spila aftur fyrir Mauricio Pochettino.

Shaw spilaði undir stjórn Pochettinos hjá Southampton. Þeir yfirgáfu félagið báðir árið 2014. Pochettino fór til Tottenham og Shaw til Manchester United.

Shaw er ekki í náðinni hjá José Mourinho, knattspyrnustjóra United, og hefur verið orðaður við Tottenham.

Í eftirmála nýrrar bókar um Pochettino segir Shaw að hann myndi vilja spila aftur fyrir Argentínumanninn.

„Hann afrekaði hið ómögulega með Southampton. Við vorum eitt best spilandi liðið í ensku úrvalsdeildinni. Vonandi spila ég undir hans stjórn á nýjan leik. Og ég held að hann vilji það líka,“ skrifar Shaw.

„Hann kallaði mig son, svo gott var samband okkar. Það hafa skipst á skin og skúrir hjá mér en þegar ég var hjá Pochettino gekk allt vel.“

Pochettino mætir með sína stráka á Old Trafford á morgun. Tottenham og United eru jöfn að stigum í 2.-3. ensku úrvalsdeildarinnar.