Mourinho ánægður með að stuðningsmenn United séu farnir að elska Fellaini

Marouane Fellaini skoraði tvö mörk í 4-0 sigri Manchester United á Crystal Palace í dag.

Fellaini hefur ekki alltaf verið í miklum metum hjá stuðningsmönnum United, en honum var sunginn lofsöngur í dag.

Þrátt fyrir mótmæli stuðningsmanna hefur Jose Mourinho haft óbilandi trú á Belganum.

„Allir knattspyrnustjórar eru mismunandi. Stundum líkar okkur við leikmenn sem öðrum líkar ekki við, sumir leikmenn spila betur undir sumumm stjórum en öðrum,“ sagði Mourinho eftir leikinn í dag.

„Marouane hefur mikilvæga eiginleika sem ég reyni að nýta mér. Hann hefur spilað sem varnarsinnaður miðjumaður og framherji, hann lagar sig að því hlutverki sem liðið þarfnast.“

„Hann hefur mikið stolt. Ég er mjög ánægður með að hafa hjálpað honum að ná á þann stað sem hann er og að hafa breytt því hvernig stuðningsmennirnir sjá hann,“ sagði Jose Mourinho.