Þessar eyjur hafa orðið á vegi fellibylsins Irmu

Breska ríkissjónvarpið BBC hefur tekið saman yfirlit yfir þær eyjar í Karíbahafi sem þegar hafa orðið á vegi Irmu. Fellibylurinn hefur valið mikilli eyðileggingu og þegar kostað tíu mannslíf hið minnsta.

Antígva og Barbúda

• Íbúafjöldi: 90.800.

• Ein af þeim eyjum í Karíbahafi þar sem velmegun er hvað mest vegna mikils ferðamannaiðnaðar og starfsemi aflandsbanka.

• Barbúda var í raun fyrsta fórnarlamb Irmu, en Antígva slapp að mestu við eyðileggingu og hafa engar fréttir hafa borist um dauðsföll þar. Verra er ástandið á Barbúda þar sem 95 prósent bygginga eru sögð hafa orðið fyrir skemmdum. Staðfest er að einn hafi látið lífið á Barbúda í óveðrinu.

Sankti Martin

• Íbúafjöldi: 75 þúsund.

• Vinsæll ferðamannastaður með fallegum ströndum. Nyrðri hluti eyjunnar er franskur (Saint-Martin) og sá syðri hollenskur (Sint-Maarten).

• Staðfest er að átta manns hið minnsta eru látnir á franska hluta eyjarinnar. Fréttir hafa borist af mikilli eyðileggingu á eyjunni, flóðum og rafmagnsleysi.

Sankti Barthelemy

• Íbúafjöldi: 9.200.

• Frönsk eyja og vinsæll áfangastaður fyrir auðuga ferðamenn.

• Staðfest að tveir eru látnir og svo hafa borist fréttir af eyðileggingu, flóðum og rafmagnsleysi.

Angvilla

• Íbúafjöldi: 13.500.

• Breskt yfirráðasvæði og vinsæll áfangastaður fyrir vel stæða ferðamenn.

• Staðfest er að einn er látinn á eyjunni en umfang eyðileggingarinnar er enn ekki að fullu ljós.

Bresku jómfrúreyjar

• Íbúafjöldi: 20.600.

• Standa saman af fjörutíu eyjum.

• Irma gekk yfir nyrstu eyjarnar og er umfang eyðileggingar enn ekki ljós.

Púertó Ríkó

• Íbúafjöldi: 3,7 milljónir.

• Sérstakt sambandssvæði Bandaríkjanna og vinsæll áfangastaður ferðamanna, en hefur glímt við miklar skuldir, fátækt og mikið atvinnuleysi.

• Irma gekk yfir svæði norður af eyjunni og olli umfangsmiklu rafmagnsleysi. Umfang eyðileggingarinnar er enn ekki ljóst.

Miðað við áætlaða leið Irmu á fellibylurinn enn eftir að herja á íbúa eftirfarandi eyja:

Dóminíska lýðveldið

• Íbúafjöldi: 10,8 milljónir.

• Vinsæll áfangastaður ferðamanna á eyjunni Hispanola. Dóminíska lýðveldið er á austari hluta eyjunnar en Haítí á þeim vestari.

• Fellibylurinn gengur nú yfir hafsvæðið rétt norður af eyjunni.

Haítí

• Íbúafjöldi: 10,6 milljónir.

• Á sömu eyju og Dóminíska lýðveldið. Hefur þurft að glíma við afleiðingar mikils jarðskjálfta árið 2010.

• Ekki er gert ráð fyrir að Irma gangi inn á landið þó að íbúar á norðurströnd landsins séu í viðbragðsstöðu.

Turks- og Caicoseyjar

• Íbúafjöldi: 31.500.

• Breskar eyjar með blómstrandi ferðamannaiðnað, starfsemi aflandsbanka og sjávarútveg.

• Eyjarnar eru láglendar og er hætta á að mikil flóð kunni að herja á íbúa þegar fellibylurinn fer hjá.

Kúba

• Íbúafjöldi: 11 milljónir.

• Framleiðir mikið magn af sykri, tóbaki og kaffi. Mikill ferðamannaiðnaður á eyjunni.

• Reiknað er með að fellibylurinn komi að eyjunni í kvöld.

Bahamaeyjar

• Íbúafjöldi: 350 þúsund.

• Eyjaklasi sem samanstendur af samtals sjö hundruð eyjum. Tekið er á móti milljónum ferðamanna á ári hverju.

• Viðvaranir hafa verið gefnar út á eyjunum vegna komu Irmu og er búist við mikilli ölduhæð og flóðum.