Erlent

Norður-Kóreumenn sleppa bandarískum námsmanni

Atli Ísleifsson skrifar
Otto Warmbier.
Otto Warmbier. Vísir/AFP
Norður-Kóreustjórn hefur ákveðið að sleppa bandaríska námsmanninum Otto Warmbier úr haldi. Hann var á síðasta ári dæmdur í fimmtán ára fangelsi og nauðungarvinnu í fyrir glæpi gegn norður-kóreska ríkinu.

Warmbier var handtekinn og sakaður um að stela áróðursskilti á hóteli sínu þegar hann heimsótti landið í janúar 2016. Skömmu eftir að Warmbier var handtekinn birtist hann í viðtali á ríkismiðli Norður-Kóreu þar sem hann játaði brot sitt og sagði að kirkjusöfnuður hans í Bandaríkjunum hefði beðið hann um að koma heim með minjagrip. 

Bandaríski utanríkisráðherrann Rex Tillerson greindi frá lausn Warmbier.

Fréttirnar berast sama dag og körfuboltamaðurinn fyrrverandi, Dennis Rodman, hóf fimm daga heimsókn sína til Norður-Kóreu.

Vinátta Rodman og leiðtoga Norður-Kóreu hafa lengi vakið athygli og furðu. Kim Jong-un, leiðtogi Norður-Kóreu, ku vera mikill stuðningsmaður Chigaco Bulls, liðsins sem Rodman spilaði með um árabil.


Tengdar fréttir

„Hefði getað verið hver sem er úr mínum hópi“

Íslensk kona, sem fór til Norður Kóreu með sömu ferðaskrifstofu,og dvaldi á sama hóteli og bandarískur námsmaður sem í síðustu viku var dæmdur til fimmtán ára nauðungarvinnu þar í landi, segist vera slegin yfir fréttum af málinu. Hver sem er úr hennar hópi hefði getað hlotið sömu örlög.

Dæmdur til fimmtán ára nauðungarvinnu í Norður Kóreu

Bandarískur námsmaður hefur verið dæmdur í fimmtán ára fangelsi og nauðungarvinnu í Norður Kóreu fyrir glæpi gegn ríkinu. Maðurinn, Otto Warmbier var handtekinn og sakaður um að stela áróðursskilti á hóteli sínu þegar hann heimsótti landið í janúar síðastliðnum.

Mest lesið


Fleiri fréttir

Sjá meira


×

Mest lesið