Liðsfélagi Birkis fékk sex leikja bann fyrir að veitast að dómara

Leandro Bacuna hefur verið dæmdur í sex leikja bann fyrir að veitast að dómara í leik Aston Villa gegn Derby í ensku B-deildinni um helgina.

Bacuna ögraði dómaranum með því að hlaupa að honum og setja bringuna í hann. Var honum umsvifalaust sýnt rauða spjaldið.

Hann gekkst við kærunni en þetta var í fyrsta sinn sem fær að líta rauða spjaldið síðan hann gekk í Villa frá Groningen í Hollandi árið 2013.

Aston Villa hefur unnið síðustu tvo leiki sína eftir að hafa tapað síðustu fimm á undan. Liðið er í fimmtánda sæti deildarinnar með 42 stig.

Birkir Bjarnason er á mála hjá Villa en hann gekk í raðir liðsins frá Basel í Sviss í upphafi ársins.