Sanchez settur á bekkinn eftir rifrildi á æfingu

Það sauð upp úr á æfingu hjá Arsenal í aðdraganda leiksins gegn Liverpool.

Sílemaðurinn Alexis Sanchez er þá sagður hafa rifist heiftarlega við félaga sína og þurfti að halda aftur af einum þeirra sem ætlaði sér í Sanchez.

Það vakti eðlilega gríðarlega athygli að Sanchez hafi verið settur á bekkinn í leiknum gegn Liverpool. Arsene Wenger, stjóri Arsenal, sagði að það hafi verið taktískt hjá sér að bekkja Sílebúann.

Arsenal tapaði svo leiknum en það var þriðja tap Arsenal síðustu fjórum deildarleikjum.

Framtíð Sanchez hjá félaginu er nú sögð í óvissu.