Wenger og Sanchez heilsuðust

Það telst iðulega ekki til mikilli tíðinda er menn heilsast en það var talsverð frétt í handabandi á æfingu Arsenal í morgun.

Þá æfði Arsenal-liðið í fyrsta sinn síðan það tapaði gegn Liverpool.

Alexis Sanchez var þá settur á bekkinn hjá Arsenal og í ljós hefur komið að það var út af því að hann hafði rifist heiftarlega við félaga sína og rokið af æfingu.

Samband hans og Arsene Wenger, stjóra liðsins, er sagt vera afar stirt og því var eftir því tekið er þeir tókust í hendur í morgun.

Hvort þeir hafi grafið öxina eða hvort þeir hafi tekist í hendur fyrir myndavélarnar kemur væntanlega í ljós síðar.