Jesus gengur í vatni | Myndband

Brasilíska undrabarnið Gabriel Jesus leggur hart að sér þessa dagana í von um að komast sem fyrst út á fótboltavöllinn.

Þessi 19 ára strákur samdi við Man. City síðasta sumar en kom ekki til félagsins fyrr en í janúar. Þá var hann orðinn brasilískur meistari með Palmeiras.

Óhætt er að segja að strákurinn hafi slegið rækilega í gegn með þremur mörkum í sínum fyrstu fjórum leikjum með City.

Þá varð drengurinn fyrir því óláni að meiðast. Hann er aftur á móti á batavegi og hefur nú birt myndband af sér í endurhæfingu.

Þar gengur Jesus ekki á vatni heldur í vatni. Verði batinn áfram góður er aldrei að vita nema hann komi fyrr á völlinn en búist var við.

Falta pouco #logoestareidevolta #fisioterapia

A post shared by Gabriel Jesus (@dejesusoficial) on Mar 7, 2017 at 5:14am PST