Jón Daði fiskaði rautt í enn einu tapi Úlfanna | Sjáðu atvikið

Jón Daði Böðvarsson var í byrjunarliði Wolves sem tapaði enn einum leiknum, nú fyrir Birmingham City á heimavelli, 1-2.

Birmingham var 0-2 yfir í hálfleik eftir mörk frá Maikel Kieftenbeld og David Davis.

Á 53. mínútu fékk gamla brýnið Paul Robinson rautt spjald eftir að hafa slegið til Jóns Daða.

Á 74. mínútu minnkaði Nouha Dicko muninn í 1-2 en nær komust Úlfarnir ekki.

Þetta var fjórða tap Wolves í röð en Jón Daði og félagar eru aðeins fimm stigum frá fallsæti.