Nú er komin skýring á faðmlagi Pep Guardiola og Arter í gær

Manchester City vann 2-0 sigur á Bournemouth í ensku úrvalsdeildinni í gærkvöldi en það vakti athygli eftir leik þegar fór einstaklega vel á með þeim Pep Guardiola, knattspyrnustjóra Manchester City og Harry Arter, leikmanni Bournemouth.

Pep Guardiola faðmaði ekki aðeins Harry Arter í heillangan tíma heldur talaði einnig lengi við hann. Þetta var hjartnæm stund og nú er Harry Arter búinn að segja frá því hvað fór þeim á milli.

Guardiola kom sérstaklega til Harry Arter til að óska honum og konu hans góðs gengis en þau eiga von á barni. Harry og Rachel urðu fyrir miklu áfalli í desember 2015 þegar dóttir þeirra fæddist andvana. Þau eiga nú aftur von á barni.

Harry Arter var djúpt snortinn.„Hann óskaði mér og konunni góðs gengis sem var ótrúlega hugulsamt af honum,“ sagði Harry Arter við Daily Echo.

„Hann er maður sem ég bera rosalega mikla virðingu fyrir. Ég horfði á Barcelona-liðin hans og sjáið bara Manchester City liðið hans í kvöld. Að mínu mati er hann besti knattspyrnustjórinn í heimi. Ég tel að engin komist nálægt honum og því sem hann hefur afrekað,“ sagði Arter.

„Ég met það mikils að hann hafi komið sérstaklega til mín og ég tók kveðju hans með brosi á vörum,“ sagði Arter.

From Pep to @HarryArter2, a touch of class...

"He gave me and my partner his best wishes ahead of the birth of our child."#afcb pic.twitter.com/BEu0MaRbBK

— AFC Bournemouth (@afcbournemouth) February 13, 2017