United rúllaði yfir Englandsmeistarana | Sjáðu mörkin

Manchester United vann auðveldan sigur á Leicester, 3-0, í ensku úrvalsdeildinni í knattspyrnu í dag.

United var mikið góð tök á leiknum allan tímann og sáu leikmenn Leicester aldrei til sólar. Henrik Mkhitaryan skoraði fyrsta mark leiksins undir lok fyrri hálfleiksins en United hafði enn tíma til að bæta við marki fyrir hálfleikinn. Zlatan Ibrahimovic skoraði sitt 20. mark í deildinni á 44. mínútu og var staðan því 2-0 í hálfleik.

Spánverjinn Juan Mata gerði þriðja og síðasta mark leiksins í upphafi síðari hálfleiks og þar við sat.

Manchester United er í sjötta sæti deildarinnar með 45 stig, en aðeins eru fimm stig í Tottenham Hotspurs sem er í öðru sæti með 50 stig.