Hughes vill kaupa Bruno Martins Indi

Mark Hughes, knattspyrnustjóri Stoke, ætlar sér að kaupa Bruno Martins Indi frá Porto en fyrir tímabilið kom leikmaðurinn á láni til Stoke.

Hann hefur komið við sögu í 22 leikjum á tímabilinu fyrir Stoke og staðið sig mjög vel. Hughes hefur ekki farið leynt með það að hann er hrifinn af Hollendinginum og hefur áður tjáð sig um það að hann vilji fá leikmanninn formlega til félagsins.

„Við förum í viðræður við Porto undir lok tímabilsins. Bruno hefur sjálfur sagt að hann vilji að allir aðilar séu sáttir,“ segir Hughes.