Mun United selja Martial til að eiga fyrir Griezmann?

Fjölmiðlar ytra greina nú frá því að Jose Mourinho hafi gefið grænt ljós á það að Anthony Martial verði seldur frá félaginu næsta sumar og verði það gert til að félagið geti réttlæt kaup á landa hans Antoine Griezmann frá Atletico Madrid.

Í janúar greindu fjölmiðlar frá því að Manchester United væri að fjárfesta í Griezmann en það gekk ekki eftir fyrir loka félagaskiptagluggans.

Griezmann er með klásúlu í sínum samningi við spænska félagið að hann geti yfirgefið liðið ef tilboð berist í hann fyrir 86,4 milljónir punda.

United mun því selja Martial en hann gekk til liðs við United fyrir tveimur árum og greiddi liðið 36 milljónir punda fyrir hann frá Monaco.

Martial hefur skorað sex mörk í öllum keppnum fyrir United á tímabilinu. Einnig er greint frá því að að United munu losa þá Wayne Rooney, Ashley Young og Marouane Fellaini í sumar.