Martinez: Hazard minnir óneitanlega á Messi

Belgíski landsliðsþjálfarinn Roberto Martinez er heldur betur ánægður með stærstu stjörnu liðsins Edin Hazard en leikmaðurinn hefur gjörsamlega farið á kostum með Chelsea á tímabilinu.

Martinez líkir Hazard við hinn argentínska Lionel Messi á tímabilinu. Hazard var vægast sagt lélegur á síðasta tímabili en hefur núna skorað 10 mörk í deildinni og lagt upp þrjú. Hann skoraði stórkostlegt mark 3-0 sigri gegn Arsenal á Brúnni í gær.

„Hann er einstakur leikmaður og það sem hann gerir inni á vellinum er magnað,“ sagði Martinez í samtali við Sky Sports News.

„Hraðabreytingar hans eru ótrúlegar og hann minnir óneitanlega á Lionel Messi. Það eru ekki margir leikmenn sem hafa svona góða stjórn á sér undir pressu frá varnarmönnum.“