Enski boltinn

Wenger kærður af enska knattspyrnusambandinu

Ingvi Þór Sæmundsson skrifar
Jonathan Moss vísar Wenger upp í stúku.
Jonathan Moss vísar Wenger upp í stúku. vísir/getty
Enska knattspyrnusambandið hefur kært Arsene Wenger, knattspyrnustjóra Arsenal, vegna framkomu hans í leiknum gegn Burnley í gær.

Wenger missti stjórn á skapi sínu þegar Burnley fékk vítaspyrnu í uppbótartíma leiksins. Wenger stjakaði við fjórða dómaranum Anthony Taylor og var sendur upp í stúku.

Andre Gray skoraði úr vítinu og jafnaði metin í 1-1. Dramatíkinni var þó ekki lokið því Arsenal fékk víti þegar átta mínútur voru komnar fram yfir venjulegan leiktíma.

Alexis Sánchez fór á punktinn, skoraði af öryggi og tryggði Arsenal stigin þrjú.

Eftir leikinn baðst Wenger afsökunar og sagðist sjá eftir öllu. Frakkinn hefur til fimmtudags til að svara kærunni.

Enski boltinn

Tengdar fréttir

Wenger líklega á leiðinni í langt bann

Arsene Wenger, knattspyrnustjóri Arsenal, er mögulega á leiðinni í langt fyrir framkomu sína á lokamínútunum í leik Arsenal og Burnley.

Mest lesið


Fleiri fréttir

Sjá meira


×

Mest lesið