Moyes: Þurfum að sameinast

David Moyes, stjóri West Ham, kallaði eftir því að stuðninsmenn félagins og allir innan félagsins standi saman á þessum erfiðu tímum sem liðið er að ganga í gegnum.

David Moyes tapaði sínum fyrsta leik sem stjóri með liðið gegn Watford í dag en ekki mátti sjá mikinn mun á liðinu undir hans stjórn og undir Bilic.

„Við þurfum að sameinast sem félag. Ég sagði við leikmennina að það er erfitt að spila þegar stuðningsmennirnir eru svona. Eitt mark getur skipt svo miklu máli.“

„Betra liðið vann leikinn, ég get ekki sagt neitt annað, en við fengum þó okkar tækifæri til þess að breyta útkomunni en við nýttum þau ekki.“

„Mikilvægast í leiknum í dag var að vera inn í leiknum og við vorum það þangað til þeir skoruðu sitt annað mark.“

West Ham er fjórða liðið sem Moyes stýrir í ensku úrvalsdeildinni en það vakti ekki mikla hrifningu stuðningsmanna þegar hann var ráðinn.