Nálægt því að ganga til liðs við United: Einn maður innan félagsins vildi ekki Evra

Patrice Evra hefur nú staðfest að hann hafi verið mjög nálægt því að ganga á ný til liðs við Manchester United núna í janúar, og mun leikmaðurinn hafa rætt við Jose Mourinho, knattspyrnustjóra United.

Þessi franski landsliðsmaður gekk í staðinn til liðs við Marseille frá Juventus.

„Ég var mjög nálægt því að ganga til liðs við United,“ segir Evra í samtali við Sky Sports á Ítalíu.

„Ég ræddi við Mourinho um málið en það var aftur á móti annar maður innan félagsins sem leist ekki vel á hugmyndina, ég vil ekki koma nánar inn á það hver það var.

Evra lék 379 leiki í sjö og hálft tímabil hjá Manchester United á sínum tíma.