Lukaku er nú orðinn markahæsti leikmaður Everton í sögu ensku úrvalsdeildarinnar.
Markið á White Hart Lane í dag var hans 61. fyrir Everton í ensku úrvalsdeildinni. Lukaku hefur skorað einu marki meira en skoski framherjinn Duncan Ferguson gerði á sínum tíma.
Ferguson, sem er núna hluti af þjálfaraliði Everton, skoraði mörkin sín 60 í 239 leikjum og var því með 0,25 mörk að meðaltali í leik fyrir Everton.
Lukaku er með miklu betra markahlutfall en hann er með 0,46 mörk að meðaltali leik fyrir Everton.
Lukaku hefur skorað 18 mörk í vetur og er næstmarkahæstur í ensku úrvalsdeildinni á eftir Harry Kane sem hefur gert 19 mörk.
Markahæstu leikmenn Everton í ensku úrvalsdeildinni:
1. Romelu Lukaku - 61 mark
2. Duncan Ferguson - 60 mörk
3. Tim Cahill - 56 mörk
4. Kevin Campbell - 45 mörk
5. Leon Osman - 44 mörk
6. David Unsworth - 33 mörk
7. Paul Rideout - 29 mörk
8. Tony Cottee - 28 mörk
9. Kevin Mirallas - 28 mörk
10. Mikel Arteta - 27 mörk
Congratulations, @RomeluLukaku9 - now let's get an equaliser. #COYB pic.twitter.com/G73yYqZqqU
— Everton (@Everton) March 5, 2017
