City búið að gera Walker að dýrasta varnarmanni allra tíma

Manchester City hefur gert enska landsliðsmanninn Kyle Walker að dýrasta varnarmanni sögunnar.

Talið er að City hafi borgað Tottenham 50 milljónir punda fyrir þennan 27 ára gamla hægri bakvörð. Walker skrifaði undir fimm ára samning við City en hann mun leika í treyju númer 2 hjá liðinu.

Walker er þriðji leikmaðurinn sem City kaupir í sumar en áður voru markvörðurinn Ederson og miðjumaðurinn Bernando Silva komnir á Etihad.

Walker er uppalinn hjá Sheffield United en náði aðeins að spila nokkra leiki með aðalliði félagsins áður en Tottenham keypti hann árið 2009.

Það tók Walker talsverðan tíma að festa sig í sessi hjá Tottenham en á fyrstu árum sínum hjá félaginu var hann lánaður til Sheffield United, QPR og Aston Villa.

Walker lék alls 228 leiki fyrir Tottenham og skoraði fjögur mörk. Hann hefur leikið 27 landsleiki fyrir England.

.@kylewalker2 joins on a five-year deal and will take the number 2 shirt#welcomekyle pic.twitter.com/7RDO3HJBkq

— Manchester City (@ManCity) July 14, 2017