Mata mögulega úr leik í vetur

Vandræði José Mourinho, knattspyrnustjóra Manchester United, aukast enn.

Ljóst er að miðverðirnir Chris Smalling og Phil Jones verða lengi frá en auk þeirra er Paul Pogba meiddur. Og núna síðast bættist Juan Mata á sjúkralistann.

Spánverjinn gekkst undir aðgerð vegna nárameiðsla og svo gæti farið að hann spilaði ekki meira með United í vetur. Mata hefur skorað 10 mörk í 41 leik á tímabilinu.

United mætir West Brom klukkan 14:00 í dag. Auk ofannefndra leikmanna sem eru meiddir eru þeir Zlatan Ibrahimovic og Ander Herrera í banni í dag.