Van Gaal: Gerði leikmennina reiða að tapa svona mörgum leikjum í röð

Louis van Gaal, knattspyrnustjóri Manchester United, telur að pressan sé aðeins að minnka á sér og leikmönnum sína eftir fína viku hjá liðinu.

United var betri aðilinn og var óheppið að skora ekki í markalausu jafntefli gegn Chelsea síðastliðinn mánudag og vann svo Gylfa Þór Sigurðsson og félaga í Swansea, 2-1, um helgina.

Sjá einnig:Rooney hetja United en Gylfi skoraði | Myndbönd

Gylfi Þór skoraði annan leikinn í röð á Old Trafford og jafnaði leikinn, 1-1, en Wayne Rooney tryggði heimamönnum sigurinn með fallegu marki eftir undirbúning Anthony Martial.

„Pressan er að minnka og frammistaðan verður betri í hverri viku. En það skiptir líka máli hvort við skorum mörk. Við sköpum okkur alltaf færi,“ segir Van Gaal.

Fyrir sigurinn á Swansea var Manchester United án sigurs í átta leikjum í röð. Það tapaði fjórum leikjum í röð (3 í deild og 1 í meistaradeild) fyrir jafnteflið gegn Chelsea.

„Leikmennirnir voru mjög reiðir vegna þess að þeir töpuðu svo mörgum leikjum í röð,“ segir Hollendingurinn.

„Ég er sjálfur ekki vanur því. Aldrei hefur ég tapað fjórum leikjum í röð og ég hef starfað við þetta í 25 ár. Leikmennirnir mínir eru ekki vanir þessu þannig þeir voru mjög reiðir og vildu breyta þessu,“ segir Louis van Gaal.