Manchester United í 92. og síðasta sæti á þessum lista

Manchester United fagnaði ekki sigri í síðustu átta leikjum ársins 2015 en það er ekki bara léleg stigasöfnun sem pirrar stuðningsmenn liðsins.

Manchester United var þekkt fyrir að skora mikið af mörkum og spila skemmtilegan fótbolta á sigursælum tíma undir stjórn Sir Alex Ferguson en það er ekki hægt að segja það sama um liðið undir stjórn Louis van Gaal á þessum tímabili.

Daily Mail sýndi fram á „leiðindin" með því að taka saman markaskor í heimaleikjum liðanna í öllum deildum enska fótboltans og þar kemur í ljós að lið Manchester United getur kallast leiðinlegasta lið landsins.

Blaðmenn Daily Mail útbjuggu lista yfir í hvaða heimaleikjum kæmi flest og um leið fæst mörk. Það hafa aðeins verið skoruð samtals þrettán mörk í níu leikjum Manchester United á Old Trafford á þessu tímabili.

Leikmenn Manchester United hafa skorað 10 mörk og fengið bara 3 mörk á sig. United er reyndar langneðst á listanum en það eru heil fimm mörk upp í liðin fyrir ofan.

Enska C-deildarliðið Peterborough United er í efsta sæti listans en það hafa verið skoruð 45 mörk í þeirra heimaleikjum einu marki meira en hjá Fulham. Markatala Peterborough á heimavelli er 26-19 en liðið er í sjötta sæti C-deildarinnar eins og er.

Fulham er að spila í ensku b-deildinni og markatala liðsins er 23-21. Fulham er aftur á móti í 18. sæti í stigatöflunni.

Nágrannar Manchester United í Mancheste City eru efstir meðal ensku úrvalsdeildarliðanna en 41 mark hefur verið skorað í leikjum City á Ethiad á þessu tímabili.

Manchester United er í 82. sæti af 92 liðum yfir flest mörk skoruð á heimavelli en þar er Aston Villa í neðsta sæti með 6 mörk og Gylfi Þór Sigurðsson og félagar eru aðeins fimm sætum ofar.

Mörk í heimaleikjum liðanna í ensku deildarkeppninni:

(Samanlögð mörk hjá heimaliði og gestum)

1. Peterborough 45.

2. Fulham 44.

3. Sheffield United 43.

4. Notts County 42.

5. Colchester, Carlisle United, Manchester City 41

--

82. Middlesborough, Scunthorpe, Wigan, Bradford 20.

86. Stoke, Aston Villa 19.

88. Preston, Blackburn, Watford, Sunderland 18.

92. Manchester United 13.

Mörk liða á heimavelli í ensku deildarkeppninni:

1. Manchester City 29.

2. Coventry, Gillingham, Peterborough 26.

5. Burnley, Sheffield United 25.

--

82. Manchester United, Bournemouth, Leeds, Stoke, Watford 10.

87. Preston, Scunthorpe, Sunderland, Swansea 9.

91. Dagenham & Redbridge 8.

92. Aston Villa 6.