Jafntefli í bráðfjörugum leik á Goodison Park | Sjáðu mörkin

Everton og Tottenham skildu jöfn í bráðfjörugum lokaleik 20. umferðar í ensku úrvalsdeildinni í dag en liðin fengu bæði tækifæri til þess að stela sigrinum á lokamínútum leiksins.

Aaron Lennon skoraði fyrsta mark leiksins fyrir Everton á 22. mínútu eftir góðan undirbúning Romelu Lukaku en Lennon gekk til liðs við Everton í sumar eftir tíu ár í herbúðum Tottenham.

Ungstirnið Dele Alli náði að jafna metin fyrir Tottenham með síðustu spyrnu fyrri hálfleiksins þegar hann stýrði boltanum framhjá Tim Howard af stuttu færi eftir frábæra sendingu frá Toby Alderweireld.

Fóru liðin inn í hálfleikinn jöfn í stöðunni 1-1 en bæði liðin fengu tækifæri til þess að stela sigrinum í seinni hálfleik en næst komust þeir Alli og Muhamed Besic án árangurs.

Tottenham situr áfram í 4. sæti ensku úrvalsdeildarinnar eftir 20 leiki en Everton situr í 11. sæti, níu stigum á eftir Tottenham í síðasta sætinu sem veitir þátttökurétt í Meistaradeild Evrópu á næsta ári.

Dele Alli jafnar metin fyrir Tottenham: