Enski boltinn

Gylfi orðinn markahæsti leikmaður Swansea í ensku úrvalsdeildinni

Kristinn Páll Teitsson skrifar
Markvörður Chelsea braut á Gylfa innan vítateigsins og sendi hann á vítapunktinn.
Markvörður Chelsea braut á Gylfa innan vítateigsins og sendi hann á vítapunktinn. Vísir/getty
Gylfi Þór Sigurðsson varð í dag markahæsti leikmaður Swansea í ensku úrvalsdeildinni með marki sínu gegn Chelsea á heimavelli en Gylfi skoraði af vítapunktinum eftir að hafa krækt í vítaspyrnuna sjálfur.

Var þetta mark númer 26. hjá Gylfa í treyju Swansea í 83. leikjum en með þessu marki skaust hann fram úr Wilfried Bony, framherja Stoke, í efsta sæti listans.

Var þetta fyrsta mark tímabilsins hjá Gylfa í fjórða leiknum og annað árið í röð sem hann skorar á heimavelli gegn Chelsea. Hefur hann alls skorað þrjú mörk á ferlinum gegn Chelsea, tvö með Swansea og eitt með Tottenham.

Leroy Fer kom Swansea yfir stuttu síðar en hægt er að fylgjast með leiknum hér.

Enski boltinn

Mest lesið


Fleiri fréttir

Sjá meira


×

Mest lesið