Karamellumoli í konfektkassa Benedikt Bóas Hinriksson skrifar 15. október 2016 08:00 Diego Costa fagnar marki sínu í leik gegn Hull. vísir/getty Diego Costa, markahæsti leikmaður enska boltans með sex mörk, er fæddur í Brasilíu í bænum Lagarto. Hann spilar þó fyrir Spán. Hann er einn umdeildasti leikmaður ensku Úrvalsdeildarinnar og nánast allir sófastuðningsmenn hér heima hafa skoðun á honum. Hvort hann sé frábær framherji eða hreinlega vond manneskja. Faðir Diegos Costa, Jose de Jesus, skírði hann í höfuðið á Diego Maradona sem er svolítið undarlegt þar sem Argentína og Brasilía hafa oftar en ekki eldað grátt silfur, sérstaklega á fótboltavellinum. Fjölskyldan var fátæk en pabbinn vann mikið og sá um mat á borðið. Í heimildarmynd Canal Plus kemur fram að Costa var mjög ör sem barn og mjög ákveðinn. „Oftar en ekki enduðu málin hjá honum með því að hnefarnir voru látnir tala,“ sagði faðir hans í myndinni.Diego Costa spilar fyrir landslið Spánar þrátt fyrir að vera fæddur í Brasilíu.vísir/gettyÞar kom fram að í bænum voru engir fótboltavellir og ekkert íþróttastarf þegar Costa var að alast upp. Til að spila fótbolta þurftu guttarnir því að spila á götunni. Þar voru reglurnar aðeins öðruvísi. Í viðtali við El País árið 2012 sagði Costa um uppvaxtarárin að hann hefði þurft að hafa fyrir hlutunum og hverjum einasta bolta í hverri einustu sókn. „Ég hélt að það væri eðlilegt að gefa öðrum leikmönnum olnbogaskot þegar ég byrjaði að æfa.“ Sextán ára flutti hann frá Lagarto til Sao Paulo og sá fyrir sér með því að selja ódýrar eftirlíkingar í verslunarmiðstöðvum. Hann gekk þó í raðir Barcelona Esportivo Capela til að sjá fyrir sér. Hann fékk fljótlega fjögurra mánaða bann fyrir að kýla andstæðing og ætla hreinlega í dómarann sem gaf honum rauða spjaldið. En leikstíll hans hafði vakið athygli og einn af útsendurum ofurumboðsmannsins Jorge Mendez kom til að horfa á hann spila. Ótrúlegt en satt var banninu aflétt, Costa spilaði og var í kjölfarið seldur til Sporting Braga í Portúgal. Það er oft stutt á milli hláturs og gráts, sérstaklega í íþróttum. Fjölskyldan var þó ekki á því að hleypa drengnum til Portúgals en móðir hans, Josileide, rifjaði upp í heimildarmyndinni að Costa lét orð þeirra sem vind um eyru þjóta. „Þetta var erfiður dagur. Hann stóð upp og sagði við okkur: Ef þið leyfið mér ekki að fara þá strýk ég. Ég ætla að fara.“ Diego Costa var á leið til Evrópu.Costa heldur um andlitið eftir að Moussa Dembele, leikmaður Tottenham, potaði í auga hans í leik sem tryggði Leicester City Englandsmeistaratitilinn fyrr í ár.Vísir/GettyLeiðin á toppinn hefur ekki verið eftir rauða dreglinum hjá Costa, hann hefur þurft að hafa fyrir hlutunum. Þótt hann sé markahæstur í deildinni núna og skoraði í landsleikjunum með Spáni í vikunni kom smá tími þar sem allt gekk á afturfótunum. Eftir ágætan tíma hjá Braga var hann seldur til Atletico Madrid á Spáni. Þar voru þeir Diego Forlan og Sergio Aguerro fyrstu kostir í framherjastöðurnar. Costa var sendur á lán til Celta Vigo, Albacete og Real Valladolid þar sem hann varð þekktari fyrir afrek sín í spjaldasöfnun frekar en markaskorun. Loks þegar tækifærið kom hjá Atletico hefur Costa aldrei litið um öxl. Diego Simeone setti sitt traust á hann árið 2013 þrátt fyrir að Costa hafði aldrei skorað meira en tíu mörk á tímabili. Liðið endaði sem meistari og Costa skoraði 27 mörk. Leikstíll hans hentaði liðinu og loks þurfti hann ekki að breyta sér. Hann var svo seldur í kjölfarið til Chelsea þar sem enginn skortur hefur verið á mörkum eða spjöldum hvort sem þau eru gul eða rauð.Costa reiðist Julian Speroni, markmanni Crystal Palace.Vísir/GettyÞrátt fyrir að vera trúlega einn hataðasti leikmaður knattspyrnunnar lýsa þeir sem standa honum næst sem frekar rólegu gæðablóði. Mario Suarez, fyrrverandi samherji hans, sagði að um leið og hann færi út á völl þá breyttist hann í þann Diego Costa sem heimurinn þekkti. Annars væri hann frekar rólegur. Eftir að Costa ákvað að spila með Spáni í stað Brasilíu var hann langt í frá vinsælasta persóna Brasilíu. En hann heldur í ræturnar og stofnaði knattspyrnuskóla í Lagarto þar sem um 200 börn æfa. Og nú eru reglurnar í fótboltanum í Lagarto ekki lengur samdar á götunni. Í myndinni sagði æskuvinur hans, Junior Menezes sem sér um daglegan rekstur skólans, að einu skilyrðin fyrir inngöngu í skólann væru að börnin sinntu einnig náminu. „Við erum að reyna að hjálpa fólki sem hefur enga drauma, enga stefnu og þurfa aðstoð við flest. Þarna koma börn sem hafa ekki efni á að kaupa sér fótboltaskó. Við gerum kröfur til þeirra með námsárangur en ekkert annað.“ Í myndinni stóð Diego Costa við hlið hans og sagði silkimjúkur: „Það skiptir nefnilega máli að búa til góða samfélagsþegna.“ Þess má geta að Costa greiðir allan kostnað við knattspyrnuskólann.Fréttin birtist fyrst í Fréttablaðinu Enski boltinn Mest lesið Var spáð falli en eru á leið í Meistaradeildina Fótbolti „Eins og að spila við landslið Þýskalands nasismans“ Sport Verstappen á ráspól og jafnaði 35 ára gamalt met Formúla 1 Lowry hástökkvari dagsins og blandar sér í baráttuna Golf Ótrúlegir yfirburðir tryggðu tíunda bikarmeistaratitilinn Fótbolti Stutt gaman hjá Birki er Brescia missti af sæti í efstu deild Fótbolti Klökkur Jóhann Berg beygði af í viðtali Enski boltinn Uppgjörið,viðtöl og myndir: Valur - Olympiacos 30-26 | Einum leik frá Evróputitli Handbolti AC Milan hleypti Torino inn í Evrópubaráttu Fótbolti Reykti tvo pakka, át fjögur súkkulaðistykki og drakk tvær kókdósir á fyrsta hringnum Golf Fleiri fréttir Hayes kvaddi Chelsea með fimmta titlinum í röð og Dagný komin í hóp De Zerbi hættir hjá Brighton Foden valinn bestur á Englandi Arteta vonast eftir hjálp frá Moyes: „Vonandi gerist eitthvað dásamlegt“ Klökkur Jóhann Berg beygði af í viðtali Jóhann Berg fer frá Burnley í sumar Meiðslapésarnir fara frá Liverpool Slot staðfestir að hann taki við Liverpool Vill komast hjá því að afhenda City bikarinn Klopp enn fúll út í Maddison eftir að Liverpool missti af titlinum 2019 Leeds í úrslit um sæti í ensku úrvalsdeildinni Tímabilið búið hjá Ederson og City treystir á Ortega í síðustu tveimur leikjunum Chelsea sló spjaldametið í deildinni Hjólaði frá Mongólíu og grét af gleði þegar hann hitti hetjuna Umboðsmaður Olise dæmdur í sex mánaða bann Rashford reiður og reifst við áhorfanda fyrir leik Man. United sagði konunum ekki frá ákvörðuninni Rooney segir United losa sig við nær allan leikmannahópinn Gerir sér grein fyrir erfiðu tímabili: „Þið eruð bestu stuðningsmenn í heimi“ United lyfti sér upp að hlið Newcastle Evrópudraumurinn lifir góðu lífi eftir fjórða sigurinn í röð Everton boðið neyðarlán til að klára nýja heimavöllinn Félagaskiptaglugganum lokað fyrr en vanalega í sumar Stjóri Spurs ósáttur við viðhorfið: „Þetta er utan félagsins, innan þess, alls staðar“ Segir að Ortega hafi unnið titilinn fyrir City Ten Hag vísar gagnrýni Rooneys til föðurhúsanna United íhugar að ráða stjóra Ipswich sem eftirmann Ten Hags Telja að Bruno verði áfram á Old Trafford Sagði sína menn hafa þurft að þjást og hrósaði varamarkverðinum Varamarkmaðurinn og Håland hetjurnar: Man City á toppinn fyrir lokaumferðina Sjá meira
Diego Costa, markahæsti leikmaður enska boltans með sex mörk, er fæddur í Brasilíu í bænum Lagarto. Hann spilar þó fyrir Spán. Hann er einn umdeildasti leikmaður ensku Úrvalsdeildarinnar og nánast allir sófastuðningsmenn hér heima hafa skoðun á honum. Hvort hann sé frábær framherji eða hreinlega vond manneskja. Faðir Diegos Costa, Jose de Jesus, skírði hann í höfuðið á Diego Maradona sem er svolítið undarlegt þar sem Argentína og Brasilía hafa oftar en ekki eldað grátt silfur, sérstaklega á fótboltavellinum. Fjölskyldan var fátæk en pabbinn vann mikið og sá um mat á borðið. Í heimildarmynd Canal Plus kemur fram að Costa var mjög ör sem barn og mjög ákveðinn. „Oftar en ekki enduðu málin hjá honum með því að hnefarnir voru látnir tala,“ sagði faðir hans í myndinni.Diego Costa spilar fyrir landslið Spánar þrátt fyrir að vera fæddur í Brasilíu.vísir/gettyÞar kom fram að í bænum voru engir fótboltavellir og ekkert íþróttastarf þegar Costa var að alast upp. Til að spila fótbolta þurftu guttarnir því að spila á götunni. Þar voru reglurnar aðeins öðruvísi. Í viðtali við El País árið 2012 sagði Costa um uppvaxtarárin að hann hefði þurft að hafa fyrir hlutunum og hverjum einasta bolta í hverri einustu sókn. „Ég hélt að það væri eðlilegt að gefa öðrum leikmönnum olnbogaskot þegar ég byrjaði að æfa.“ Sextán ára flutti hann frá Lagarto til Sao Paulo og sá fyrir sér með því að selja ódýrar eftirlíkingar í verslunarmiðstöðvum. Hann gekk þó í raðir Barcelona Esportivo Capela til að sjá fyrir sér. Hann fékk fljótlega fjögurra mánaða bann fyrir að kýla andstæðing og ætla hreinlega í dómarann sem gaf honum rauða spjaldið. En leikstíll hans hafði vakið athygli og einn af útsendurum ofurumboðsmannsins Jorge Mendez kom til að horfa á hann spila. Ótrúlegt en satt var banninu aflétt, Costa spilaði og var í kjölfarið seldur til Sporting Braga í Portúgal. Það er oft stutt á milli hláturs og gráts, sérstaklega í íþróttum. Fjölskyldan var þó ekki á því að hleypa drengnum til Portúgals en móðir hans, Josileide, rifjaði upp í heimildarmyndinni að Costa lét orð þeirra sem vind um eyru þjóta. „Þetta var erfiður dagur. Hann stóð upp og sagði við okkur: Ef þið leyfið mér ekki að fara þá strýk ég. Ég ætla að fara.“ Diego Costa var á leið til Evrópu.Costa heldur um andlitið eftir að Moussa Dembele, leikmaður Tottenham, potaði í auga hans í leik sem tryggði Leicester City Englandsmeistaratitilinn fyrr í ár.Vísir/GettyLeiðin á toppinn hefur ekki verið eftir rauða dreglinum hjá Costa, hann hefur þurft að hafa fyrir hlutunum. Þótt hann sé markahæstur í deildinni núna og skoraði í landsleikjunum með Spáni í vikunni kom smá tími þar sem allt gekk á afturfótunum. Eftir ágætan tíma hjá Braga var hann seldur til Atletico Madrid á Spáni. Þar voru þeir Diego Forlan og Sergio Aguerro fyrstu kostir í framherjastöðurnar. Costa var sendur á lán til Celta Vigo, Albacete og Real Valladolid þar sem hann varð þekktari fyrir afrek sín í spjaldasöfnun frekar en markaskorun. Loks þegar tækifærið kom hjá Atletico hefur Costa aldrei litið um öxl. Diego Simeone setti sitt traust á hann árið 2013 þrátt fyrir að Costa hafði aldrei skorað meira en tíu mörk á tímabili. Liðið endaði sem meistari og Costa skoraði 27 mörk. Leikstíll hans hentaði liðinu og loks þurfti hann ekki að breyta sér. Hann var svo seldur í kjölfarið til Chelsea þar sem enginn skortur hefur verið á mörkum eða spjöldum hvort sem þau eru gul eða rauð.Costa reiðist Julian Speroni, markmanni Crystal Palace.Vísir/GettyÞrátt fyrir að vera trúlega einn hataðasti leikmaður knattspyrnunnar lýsa þeir sem standa honum næst sem frekar rólegu gæðablóði. Mario Suarez, fyrrverandi samherji hans, sagði að um leið og hann færi út á völl þá breyttist hann í þann Diego Costa sem heimurinn þekkti. Annars væri hann frekar rólegur. Eftir að Costa ákvað að spila með Spáni í stað Brasilíu var hann langt í frá vinsælasta persóna Brasilíu. En hann heldur í ræturnar og stofnaði knattspyrnuskóla í Lagarto þar sem um 200 börn æfa. Og nú eru reglurnar í fótboltanum í Lagarto ekki lengur samdar á götunni. Í myndinni sagði æskuvinur hans, Junior Menezes sem sér um daglegan rekstur skólans, að einu skilyrðin fyrir inngöngu í skólann væru að börnin sinntu einnig náminu. „Við erum að reyna að hjálpa fólki sem hefur enga drauma, enga stefnu og þurfa aðstoð við flest. Þarna koma börn sem hafa ekki efni á að kaupa sér fótboltaskó. Við gerum kröfur til þeirra með námsárangur en ekkert annað.“ Í myndinni stóð Diego Costa við hlið hans og sagði silkimjúkur: „Það skiptir nefnilega máli að búa til góða samfélagsþegna.“ Þess má geta að Costa greiðir allan kostnað við knattspyrnuskólann.Fréttin birtist fyrst í Fréttablaðinu
Enski boltinn Mest lesið Var spáð falli en eru á leið í Meistaradeildina Fótbolti „Eins og að spila við landslið Þýskalands nasismans“ Sport Verstappen á ráspól og jafnaði 35 ára gamalt met Formúla 1 Lowry hástökkvari dagsins og blandar sér í baráttuna Golf Ótrúlegir yfirburðir tryggðu tíunda bikarmeistaratitilinn Fótbolti Stutt gaman hjá Birki er Brescia missti af sæti í efstu deild Fótbolti Klökkur Jóhann Berg beygði af í viðtali Enski boltinn Uppgjörið,viðtöl og myndir: Valur - Olympiacos 30-26 | Einum leik frá Evróputitli Handbolti AC Milan hleypti Torino inn í Evrópubaráttu Fótbolti Reykti tvo pakka, át fjögur súkkulaðistykki og drakk tvær kókdósir á fyrsta hringnum Golf Fleiri fréttir Hayes kvaddi Chelsea með fimmta titlinum í röð og Dagný komin í hóp De Zerbi hættir hjá Brighton Foden valinn bestur á Englandi Arteta vonast eftir hjálp frá Moyes: „Vonandi gerist eitthvað dásamlegt“ Klökkur Jóhann Berg beygði af í viðtali Jóhann Berg fer frá Burnley í sumar Meiðslapésarnir fara frá Liverpool Slot staðfestir að hann taki við Liverpool Vill komast hjá því að afhenda City bikarinn Klopp enn fúll út í Maddison eftir að Liverpool missti af titlinum 2019 Leeds í úrslit um sæti í ensku úrvalsdeildinni Tímabilið búið hjá Ederson og City treystir á Ortega í síðustu tveimur leikjunum Chelsea sló spjaldametið í deildinni Hjólaði frá Mongólíu og grét af gleði þegar hann hitti hetjuna Umboðsmaður Olise dæmdur í sex mánaða bann Rashford reiður og reifst við áhorfanda fyrir leik Man. United sagði konunum ekki frá ákvörðuninni Rooney segir United losa sig við nær allan leikmannahópinn Gerir sér grein fyrir erfiðu tímabili: „Þið eruð bestu stuðningsmenn í heimi“ United lyfti sér upp að hlið Newcastle Evrópudraumurinn lifir góðu lífi eftir fjórða sigurinn í röð Everton boðið neyðarlán til að klára nýja heimavöllinn Félagaskiptaglugganum lokað fyrr en vanalega í sumar Stjóri Spurs ósáttur við viðhorfið: „Þetta er utan félagsins, innan þess, alls staðar“ Segir að Ortega hafi unnið titilinn fyrir City Ten Hag vísar gagnrýni Rooneys til föðurhúsanna United íhugar að ráða stjóra Ipswich sem eftirmann Ten Hags Telja að Bruno verði áfram á Old Trafford Sagði sína menn hafa þurft að þjást og hrósaði varamarkverðinum Varamarkmaðurinn og Håland hetjurnar: Man City á toppinn fyrir lokaumferðina Sjá meira