Svein Oddvar Moen, dómarinn sem dæmdi leik Íslands og Finnlands í gær, má ekki tjá sig um dómgæsluna í leiknum samkvæmt reglum Knattspyrnusambands Evrópu.
Þetta sagði hann við fyrirspurnum norskra fjölmiðla sem vildu fá viðbrögð hans við umdeildu sigurmarki Íslands í leiknum á Laugardalsvelli í gær.
Sjá einnig: Hér er sigurmark Íslands í endursýningu
Ragnar Sigurðsson er skráður fyrir sigurmarki Íslands samkvæmt heimasíðu UEFA en gera má ráð fyrir að það sé samkvæmt skýrslu norska dómarans úr leiknum.
Finnar voru sótillir út í dómarann í gær og Lukas Hradecky, markvörður finnska landsliðsns, fullyrti eftir leik í gær að boltinn hefði aldrei farið yfir línuna.
„Dómarinn skeit á sig. Boltinn fór aldrei yfir línuna. Vonandi gerir UEFA eða FIFA eitthvað í þessu,“ sagði markvörðurinn við finnska fjölmiðla í gær.
Sjá einnig: Lukas Hradecky: Fjárans skandall
„Við börðumst í 90 mínútur. Svo koma dómararnir og eyðileggja allt saman. Hvernig er hægt að dæma að boltinn sé inni þegar þeir sjá aldrei að boltinn sé í markinu. Þetta er fullkomnlega óréttlátt.“
Norski dómarinn má ekki tjá sig um markið
Tengdar fréttir
Nýtt sjónarhorn sýnir að boltinn var ekki inni | Sjáðu þetta myndband
Sigurmark íslenska landsliðsins á móti Finnlandi á Laugardalsvellinum í gærkvöldi verður ekkert minna umdeilt eftir því sem lengra líður frá leiknum.
