Enn eitt tapið hjá West Ham

Southampton gerði sér lítið fyrir og vann frábæran útisigur, 3-0, á West Ham í London í dag.

Það gengur akkúrat ekkert upp hjá West Ham eftir að liðið flutti sig yfir á Ólympíuleikvanginn og er liðið aðeins með þrjú stig eftir sex leiki. 

Charlie Austin, Tadic og Ward-Prowse gerðu sitt markið hver í leiknum fyrir Southampton og var sigur þeirra aldrei í hættu.

Southampton er í 9. sæti deildarinnar með átta stig en West Ham í því 18. með þrjú stig. West Ham hefur nú tapað fimm leikjum á tímabilinu.