Hafa numið merki frá neyðarsendi

Leitaraðilar í Miðjarðarhafinu hafa numið merki frá öðrum neyðarsendi flugvélar EgyptAir. Franskt leitarskip fann merkið og er nú leitað að því nánar. 66 manns voru um borð í flugvélinni þegar hún hrapaði í hafið á leið frá París til Kaíró þann 19. maí.

Ekkert er vitað um hvers vegna flugvélin brotlenti og voru engin neyðarskilaboð send. Flugritarnir eru taldir búa gögnum sem sem gætu sagt til um hvað hafi gerst. Ekki er búið að útiloka hryðjuverk en engin samtök hafa lýst yfir ábyrgð.

Samkvæmt BBC er nú á leið á svæðið sérstakt leitarskip sem ber vélmenni sem geta náð þrjú þúsund metra dýpi. Skipið verður komið á svæðið í næstu viku og mun hjálpa til við að reyna að ná flugritunum af botni Miðjarðarhafs.