Heldur Valur áfram að gera KR lífið leitt í Frostaskjóli?

Þrír leikir fara fram í Pepsi-deild karla í dag og kvöld. KR mætir til leiks eftir vonbrigðartapið gegn Selfossi í vikunni.

Þróttur fær ÍBV í heimsókn í Laugardalinn, en bæði lið töpuðu síðasta leik. Þróttur fékk skell gegn Val, 4-1, en ÍBV tapaði 3-0 gegn Víkingi R. á heimavelli.

Víkingur R. vann sinn fyrsta sigur í Pepsi-deildinni í síðustu umferð, en þeir fá Skagamenn í heimsókn. Víkingur er í níunda sæti með fimm stig, en Skaginn sæti neðar með fjögur stig.

Í Vesturbænum fer svo fram stórleikur dagsins. Valsmenn heimsækir þá særða KR-inga, en KR datt út úr bikarnum fyrir Selfossi í vikunni.

Valsmenn eru í sjötta sætinu með sjö stig, en KR er í því áttunda með sex stig. KR hefur ekki gengið vel með Valsmenn undanfarin ár og Ólafur Jóhannesson, þjálfari Vals, hefur oft haft betur gegn KR.

Síðustu tíu heimaleikir KR gegn Val í efstu deild:

2015: KR - Valur 2-2

2014: KR - Valur 1-2 (Gervigrasinu í Laugardal)

2013: KR - Valur 3-1

2012: KR - Valur 2-3

2011: KR - Valur 1-1

2010: KR - Valur 1-2

2009: KR - Valur 3-4

2008: KR - Valur 1-2

2007: KR - Valur 0-3

2006: KR - Valur 1-1

KR-sigrar: 1

Jafntefli: 3

Valssigrar: 6

Leikur KR og Vals verður í beinni útsendingu á Stöð 2 Sport HD klukkan 19.30 í kvöld, en leikur Þróttar og ÍBV klukkan 17.00 verður einnig í beinni.