Enski boltinn

Níu ára strákur fékk miklu fleiri atkvæði en Lukaku, Lennon og Barkley | Myndband

Óskar Ófeigur Jónsson skrifar
Hinn níu ára gamli George Shaw.
Hinn níu ára gamli George Shaw. Mynd/Twitter-síða Everton
Hinn níu ára gamli George Shaw sem vann hug og hjörtu áhorfenda á Goodison Park á dögunum fékk skemmtileg verðlaun í gær þar sem hann hafði betur í samkeppni við stórstjörnur Everton-liðsins.

George Shaw skoraði nefnilega flottasta mark Everton í janúarmánuði en hann fékk meira rúmlega 86 prósent atkvæða í kosningunni á heimasíðu Everton.

George Shaw skoraði markið sitt í hálfleik á leik Everton og Swansea City í ensku úrvalsdeildinni. George glímir við lömunarsjúkdóm og hafði sem harður Everton-stuðningsmaður dreymt um það að skora mark á Goodison Park.

Spánverjinn Gerard Deulofeu hjá Everton hjálpaði George Shaw við að upplifa drauminn sinn en hann tók eftir stráknum þegar hann sjá myndband með George Shaw á netinu. George Shaw var þá að leika listir sínar með boltann og var í treyju merktri Deulofeu.

„George er meiriháttar. Að hann hafi verið í minni treyju var sérstakt fyrir mig. Hann á stað í mínu hjarta," sagði Gerard Deulofeu við Liverpool Echo.

Markið hans George hafði betur í baráttunni við mörk frá Aaron Lennon, Ross Barkley og Kevin Mirallas, Mark Ross Barkley á móti Manchester City varð í öðru sæti með 6,18 prósent atkvæða en George fékk 86,07 prósent.

Það er hægt að sjá markið hans George Shaw hér fyrir neðan.

Enski boltinn

Mest lesið


Fleiri fréttir

Sjá meira


×

Mest lesið