Neitaði fjölmiðlum um viðtal

Cesc Fabregas mun hafa neitað ensku pressunni um viðtal eftir 3-0 sigur Chelsea á Crystal Palace í dag.

Fabregas spilaði vel í sigrinum en virtist samt hafa verið ósáttur við fjölmiðla í leikslok.

Sjá einnig: Chelsea sýndi sitt rétta andlit í sannfærandi sigri

Sagði hann við blaðamenn að hann myndi veita þeim viðtal þegar þeir kæmu betur fram við hann, án þess að skýra það nánar.

Fabregas var mikið í fréttunum í tengslum við brotthvarf Jose Mourinho frá Chelsea og var sagður einn þeirra sem vildu fá hann frá félaginu. Því hefur Fabregas ítrekað neitað.