Chelsea sýndi sitt rétta andlit í sannfærandi sigri | Sjáðu mörkin

Leikmenn Chelsea sýndu loksins sitt rétta andlit í sannfærandi 3-0 sigri á Crystal Palace á Selhurst Park í dag en með sigrinum skaust Chelsea upp fyrir Norwich og Bournemouth í 14. sætið.

Töluverðar framfarir hafa verið á leik Chelsea undanfarnar vikur eftir að félagið ákvað að reka Jose Mourinho en liðið hafði gert tvö jafntefli í röð undir stjórn Guus Hiddink.

Brasilíski miðjumaðurinn Oscar kom Chelsea yfir um miðbik fyrri hálfleiks með skoti af stuttu færi eftir góðan undirbúning Diego Costa og tók Chelsea eins marks forskot inn í hálfleikinn.

Willian bætti við öðru marki leiksins með glæsilegu skoti á 60. mínútu leiksins en Diego Costa gerði síðan út um leikinn með þriðja marki Chelsea í leiknum sex mínútum síðar.

Varði Wayne Hennessey slakt skot Willian út í teiginn og Costa var réttur maður á réttum stað og lagði boltann í netið af stuttu færi.

Var þetta aðeins sjötti sigurleikur Chelsea á árinu en Chelsea hefur fengið átta stig af tólf mögulegum eftir að hafa rekið Jose Mourinho á dögunum.

Annað mark Chelsea var glæsilegt: Diego Costa gerði út um leikinn með þriðja marki ensku meistaranna: