Króatar styrktu stöðu sína á toppi I-riðils í undankeppni HM 2018 með 2-0 sigri á Íslendingum í Zagreb í kvöld.
Marcelo Brozovic, leikmaður Inter, skoraði bæði mörk króatíska liðsins í leiknum.
Mörkin voru keimlík en þau komu bæði með skotum fyrir utan vítateig, það fyrra með vinstri fæti og það síðara með hægri fæti.
Skömmu eftir að Brozovic skoraði síðara mark sitt í uppbótartíma fékk Ivan Perisic að líta rauða spjald fyrir brot á Birki Bjarnasyni. Strangur dómur hjá Ítalanum Gianluca Rocchi.
Króatar eru nú með tíu stig á toppi I-riðils, þremur stigum á undan Íslendingum. Úkraínumenn geta minnkað forskot Króata niður í tvö stig með sigri á Finnum í Odessa síðar í kvöld.
Mörkin úr leiknum má sjá í spilaranum hér að ofan.
Sjáðu mörkin og rauða spjaldið úr leiknum í Zagreb | Myndband
Tengdar fréttir
Umfjöllun: Króatía - Ísland 2-0 | Glötuð tækifæri í Zagreb
Ágæt spilamennska á köflum í Zagreb var ekki nóg. Mannekla í sóknarlínu íslenska liðsins var strákunum okkar að falli. Ísland tapaði í dag sínum fyrsta leik í undankeppni HM 2018.
Jóhann Berg: Áttum ekki skilið að tapa
Jóhann Berg Guðmundsson átti góðan leik fyrir Ísland gegn Króatíu í dag en það dugði ekki til.
Hannes: Var möguleiki að fá eitthvað út úr þessu
„Við áttum ekki að tapa þessum leik,“ sagði Hannes Þór Halldórsson markvörður Íslands eftir 2-0 tapið í Króatíu í kvöld.
„Áfram Ísland“ öskrin í Zagreb koma úr heiðursstúkunni
Róbert Agnarsson og Magnús Gylfason hafa látið heyra vel í sér það sem af er leik.
Einkunnir Íslands: Gylfi bestur gegn Króötum
Einkunnir Vísis fyrir frammistöðu íslensku leikmannanna gegn Króatíu í undankeppni HM 2018.
