Sunderland skildi Aston Villa eftir í kjallaranum | Úrslit dagsins í enska boltanum

Sunderland vann stóran 3-1 sigur á Aston Villa í fallbaráttunni í ensku úrvalsdeildinni í dag en með sigrinum er Aston Villa sjö stigum frá næsta liði í neðsta sæti deildarinnar.

Sunderland var búið að tapa fimm leikjum í röð í deildinni en leikur dagsins var gegn liði Aston Villa sem ekki hefur unnið leik síðan úr fyrstu umferð.

Charles Gil jafnaði metin fyrir gestina í Aston Villa á 63. mínútu eftir að Patrick Van Aanholt kom Sunderland yfir en Jermaine Defoe gerði út um leikinn með tveimur mörkum fyrir Sunderland á síðustu 20 mínútum leiksins.

Lærisveinar Tony Pulis tóku stigin þrjú með dramatísku sigurmarki Jonny Evans gegn Stoke á heimavelli í dag en sigurmark WBA kom á 93. mínútu leiksins.

Jon Walters hafði jafnað metin fyrir Stoke á 81. mínútu leiksins en aðeins tveimur mínútum síðar fékk Geoff Cameron rauða spjaldið og léku leikmenn Stoke manni færri síðustu tíu mínútur leiksins.

Tókst leikmönnum WBA að nýta sér það og skora sigurmarkið á lokasekúndum leiksins en með sigrinum skaust WBA upp í 12. sætið.

Þá vann Norwich 1-0 sigur á Southampton í dag en þetta var annar sigurleikur Kanarífuglanna í röð. Eru nýliðarnir komnir upp í 14. sæti með 23 stig að 20 umferðum loknum.

Úrslit dagsins:

Sunderland 3-1 Aston Villa

West Bromwich Albion 2-1 Stoke City

Norwich 1-0 Southampton