Sér ekki eftir því að hafa selt Hernandez

Louis Van Gaal, knattspyrnustjóri Manchester United, segist ekki sjá eftir því að hafa selt Robin Van Persie og Javier Hernandez frá félaginu í sumar.

Mikið hefur verið rætt um ákvörðun Van Gaal að selja tvíeykið en Manchester United hefur átt í stökustu vandræðum fyrir framan markið undanfarnar vikur.

Hefur leikmönnum liðsins aðeins tekist að skora 10 mörk í síðustu 14 leikjum en í síðustu 14 leikjum hefur Hernandez skorað 17 mörk fyrir Bayer Leverkusen í þýska boltanum.

Van Gaal tók undir að það væri áhyggjuefni að liðinu tækist ekki að skora en hann stendur með eftir ákvörðun sinni.

„Samkeppni er ekki endilega af því góða að mínu mati. Leikmenn þurfa að finna fyrir trausti þjálfarans og ég hef sýnt leikmönnum traust allan minn feril,“ sagði Van Gaal og bætti við:

„Möguleikinn var til staðar að halda öllum framherjunum en þá hefðu verið of margir að keppa um framherjastöðuna og þá yrðu þeir óánægðir. Að vera með of marga góða framherja skapar of mikla pressu. Ég treysti þeim leikmönnum sem ég hef til staðar.“