Leika sér í snjónum

Íbúar austurstrandar Bandaríkjanna hafa í dag og í gær leikið sér í þeim mikla snjó sem gríðarstór bylur skildi eftir sig um helgina. Nokkrar af stærstu borgum landsins voru nánast lamaðar vegna snjókomunnar og hlaut bylurinn nafnið „Snowzilla“.

Í Washington eru skólar lokaðir og opinberir vinnustaðir, þar sem snjókoman mældist um 55 sentímetrar. Snjókoman mældist 68 sentímetrar í Central Park í New York, frá föstudegi til sunnudagsmorguns. Það er næst mesta snjókoma sem mælst hefur frá 1869.



AFP fréttaveitan segir að minnst 25 hafi látið lífið vegna bylsins, en AP fréttaveitan segir hins vegar að minnst 31 hafi látið lífið. Helstu orsakirnar eru hjartaáföll við snjómokstur, innöndun koltvísýrings og árekstrar.

Hér má sjá 360 gráðu myndband sem Washington Post birti af fjölmenn snjóboltaslag.

Mikil hálka er á vegum ytra og hefur fólk verið varað við því að ferðast að óþörfu. Í gær og í dag hafa íbúar austurstrandarinnar þó víða komið saman í snjónum. Í Baltimore tóku rúmlega 600 manns þátt í snjóboltaslag og margir skelltu sér á gönguskíði og byggðu snjókarla.

360 gráðu myndband frá Times Square í New York

Geimfarinn Scott Kelly tók þessa mynd úr Alþjóðlegu geimstöðinni á laugardaginn.

As #blizzard2016 passes over #Chicago, the #EastCoast seen in distance clearly has a long way to go. #YearInSpace pic.twitter.com/qMrkTXo9ie

— Scott Kelly (@StationCDRKelly) January 23, 2016