Hiddink náði einungis í eitt stig gegn Watford | Sjáðu mörkin

Guus Hiddink náði einungis einu stigi út úr sínum fyrsta leik með Chelsea, en hann stýrði liðinu í fyrsta skipti í dag eftir að hafa tekið við á dögunum. Chelsea gerði 2-2 jafntfefli við Watford.

Diego Costa kom Chelsea yfir á 32. mínútu, en tíu mínútum síðar fengu gestirnir vítaspyrnu eftir að Branislav Ivanovic handlék knöttinn. Troy Deeney steig á punktinn og skoraði.

Þannig stóðu leikar í hálfleik, en Odion Ighalo kom Watford yfir á 57. mínútu. Adam var ekki lengi í paradís því Diego Costa jafnaði með sínu öðru marki átta mínútum síðar.

Oscar fékk svo gullið tækifæri til þess að tryggja Chelsea sigur á 80. mínútu, en hann klikkaði þá á vítaspyrnu. Lokatölur 2-2.

Watford er að gera frábæra hluti og er í sjöunda sætinu með 29 stig, en Chelsea er með tíu stigum minna í fimmtánda sætinu.

1-1: 1-2 Ighalo: 2-2: