Jack Wilshere telur að Arsenal geti unnið deildina

Jack Wilshere, leikmaður Arsenal, segir að liðið hafi sjaldan átt jafn góðan möguleika á því að vinna ensku deildina og á þessu tímabili. Arsenal vann Englandsmeistaratitilinn síðast árið 2004 og er því liðinn áratugur frá síðasta skipti.

Arsenal hefur unnið sex af síðustu sjö leikjum liðsins í deildinni og náði í þrjú góð stig gegn Everton á gær.

„Undanfarin ár þá höfum við átt erfitt uppdráttar í byrjun tímabilsins, og vöknum síðan í janúar,“ segir Wilshere í viðtali við Sky Sports.

„Að þessu sinni erum við að ná að tengja saman tímabilin og halda áfram því góða gengi sem var á liðinu undir lok síðasta tímabils.“

Hann segir að í liðinu séu leikmenn sem séu sigurvegarar.

„Það er frábær liðsandi innan hópsins og ef við höldum áfram að spila eins og við erum að gera, þá getum við vel orðið meistarar.“