Mourinho áfrýjar dómi aganefndar

Jose Mourinho, stjóri Chelsea, er ekki sáttur við 10 milljón króna sektina sem hann fékk frá aganefnd enska knattspyrnusambandsins og ætlar að berjast.

Aganefndin dæmdi hann í eins leiks bann og til greiðslu 10 milljón króna sektar fyrir að segja að dómarar væru hræddir við að dæma víti á andstæðinga Chelsea.

Mourinho sagði að þessi niðurstaða væri skammarleg og nú hefur verið staðfest að hann ætli sér að áfrýja sektinni.

Hann verður þó í banni um helgina.

Portúgalanum fannst aganefndin líka vera með tvískinnung þar sem hún sleppti Arsene Wenger, stjóra Arsenal, fyrir hans orð um dómara en tók aftur á móti hart á honum.